- noor...................................
المنصب :
الـمـسـاهـمـات : 4085
تاريخ التسجيل : 24/08/2009
العمر : 37
العمل/الترفيه : مترجم
مزاجـــــى :
علم البلد :
المهنه :
هوايتي :
القلب :
أطلبى البوليس يا زينب
السبت 16 أكتوبر 2010, 10:34 pm
آخيرا وبعد طول عنــــاء قرر العبد لله اتخاذ قرار من شأنه ان يغير طريق حياتى بشكل جزرى ... لقد قررت ..
اتجوز !!
طبعا عريس زيى يعتبر لقطة لأى بنت ... يعنى تلاقى فيا مواصفات نادرا لما تلاقيها فى اى متقدم للزواج
فأنا على سبيل المثال لا الحصر طبعا ... عاطل + شحات + فقرى !!
اظنان دى مواصفات يصعب على اى عائلة تبحث عن النسب الأصيل ان تجدها فى غيرىالا فيما ندر ... ومن هذا المبدأ فقد تشجعت لهذه الخطوة الجريئة
مبدئياكدة ... بم انى عاطل .. فأول حاجة هافكر فيها عشان اقدر اتجوز ... هى مصدراعتمد عليه للصرف على تكاليف هذا الفيلم ... وطبعا بدون تفكير لم اجد نفسىالا وانا انطق اسم واحد فقط ... ابويا !!
بعد تكتكه ومخمخمةلأيجاد طريقة للدخول بها لوالدى العزيز لأقناعة بالمسألة بدون خسائر ماديةاو روحية ( مين روحية دى ؟!! ) ... جاء أخيرا اليوم الذى اخترته لأفاتحهفيه بالموضوع ... ففى هذا اليوم استيقظت باكرا ... باكرا جدا ... قبل انيستيقظ اى شخص فى منزلنا الموقر ... وانتظرت كثيرا حتى استيقظ الوالد (طلع نومه تقيل اوى !! )
فتح والدى باب غرفته وهم بالخروج وهو يدعك بكلتا يديه فى عيناه ليجدنى فى وجهة مباشرة !!
ابويا: حراماااااااى ... حرامااااااااااااااااى ... اطلبى البوليس يا زينب ...يا زينااااااااااااااااااااب ... انا مش هاسيبك الا فى القسم يا نصاب ..هى العملية ناقصة ... جاى تسرق غلابة يا أهبل ... طب روح اسرق المعلم سيداللى فوقينا .. اهو هاتلاقى عنده حاجات كتير تتسرق ... انما احنا هاتسرقمن عندنا ايه .. كباية شاى ولا رابطة بقدونس ... تعرف انا هاسلمك للبوليسمش عشان انت نصاب لأ .. انا هاسلمك عشان انت اهبل ... عارف يعنى ايه اهبل؟؟
انا محاولا التخلص من قبضة السيد الوالد : استنى يا زينب .. اوعى تقربى من التليفون ... يخربيت اللى يزعلك ... انا ابنك يا حاج !!
ابويا: كداب انا ابنى صايع ومابيجيش البيت قبل الضهر ... العب غيرها يا نصاب... يا حراااااااااااااااامى ... مش هاسيبك الا فى القسم !!
انا ممسكا بالنظارة : طب خد بس يا باشمهندس البس دى وركز كويس !!
ابويابعد ما لبس النضارة : ايه ده ؟!! ... انت ايه اللى مقعدك فى البيت الساعةدى ... يبقى اكيد عملت مصيبة برة وجاى تستخبى هنا يا صايع ( وراح ماسك فياتانى ) .. المرة دى بقى انا اللى هاسلمك للبوليس بأيدى ... انتى لسه مااتصلتيش بالبوليس يا زينب ؟؟!!
امى : خلاص بقى يا حاج اهدى شوية خلينا نشوف فى ايه ... وانت يا مدعوق ... ايه اللى رجعك الساعة دى ؟!!!
انا : هو في ايه .. مش بيتنا ده بارضو ... ولا ده بيت السلاحف ... ولا ايه ؟!!
طرااااخ ( قلم على الهوا !! ) .. وراح قافش فى هدومى تانى !!
ابويا: بيتك ؟؟ ... هو اللى زيك ليه بيت يا صايع .. ده السلاحف بتقعد فى بيتهاعلى طول ... انما انت برة البيت على طول يا متشرد ... آل سلاحف آل ... جاكسلاحف نينجا لما تبقى ترميك فى بلاعة كهربا يا بعيد !!
انا بنرفزة : جرى ايه يا حاج ... ما تهدى شوية .. وشوفنى جايلك فى ايه ... الله ؟؟!!!
امى : خلاص خلاص يا حاج اقعد كدة وروق .. وشوف ابنك عايز ايه منك .. على ما أروح احضرلكوا الفطار ... ربنا يهدى سركوا ...
بعدمرور ساعة او ازيد تقريبا من الشد والجذب ... تخللها الفطار المصرى الشهير.. الفول وتوأمه الطعمية .. ثم كوباية الشاى بالنعناع البلدى ... تمتالسيطرة على والدى المبجل .. وهدأت الحرب المشتعلة وحصلنا على هدنة والحمدلله !!
ابويا : أدينا يا سيدى فطرنا مع بعض على غير العادة ..وحبسنا بكوباية الشاى كمان ... ممكن تقولى عايز ايه ... وايه اللى كانموقفك قدام باب الاوضة من طلعة الشمس زى الحرامى اللى مخلص شغله وماشى كدة؟!!
انا : شوف يا حاج ... بدون مقدمات .. واحراج وكلام ورغى كتير ... انا هادخل معاك دوغرى !!
ابويا : تعجبنى !!
انا : أنا عايز اتجوز !!
ابويا : أطلبى البوليس يا زينب !!
انا : يوووووه ... ايه يا حاج ... انت ليك حد واحشك فى القسم ولا ايه ... هو كل جملة مفيدة نقولها لازم تتختم بالبوليس ؟!!
ابويا: ما هو لما مايبقاش عندك دم للدرجة دى ... ووصلت للمرحلة دى من الاوعى... يبقى لازم أطلبلك البوليس عشان ياخدوك فى الحجز يفوقوك بكام قلم !!
انا : شوف يا حاج ... انا مش هاكلفك كتير ... انا كل اللى عايزه أوضة على سطح اى عمارة بمنافعها وقضيت على كدة !!
ابويا : آه ... ومين بقى بنت المجنونة دى اللى هاتوافق تتجوز واحد عاطل وشحات زيك ؟!!
انا : يووووووووه ... ده الحريم على قفى من يشيل يابا ... ده دلوقتى اللى بيتجوز واحدة .. بيدوله اختها هدية !!
ابويا : اطلبى البوليس يا زينب !!
انا : ليه تانى ؟!!
ابويا : عشان انت كداب ... ازاى العروسة وأختها ... ما ينفعش ... شرعا لا يجوز !!
انا: يابا .. انا بقولك مثلا يعنى ... اللى عايز أوصلهولك ان البنات دلوقتىبقوا أكتر من عروض المحمول ... وأسهل من مسابقات قناة ميلودى .. يعنى اللىهاتطلبها للجواز دلوقتى ... لا هاتدقق فى مهر ولا شبكة ولا مؤخر ولاالكلام الفاضى بتاع زمان ده ... الأهالى دلوقتى بقى كل اللى يهمهم حتةيتلم فيها الواد والبت وخلاص ... ده اللى عنده بنت دلوقتى بقى بيشتركلهافى قناة زواج اللى على الدش عشان يشوفلها عريس .. يعنى بيدللها على راجل !!
ابويا : طب وهاتصرف عليها منين بعد الجواز يا فالح .. ده انت صايع .. لا شغله ولا مشغلة !!
انا : والله بتتقضى ... وانا مقدم على كام شغلانة كدة وربك يكرم بقى .. بارك انت باس يا حاج ... وهى هاتسلك !!
ابوياوهو يحضننى بمنتهى التلقائية : الف مبروك يا حبيبى ... ياااااااااااااااهجه اليوم اللى اشوفك فيه عريس ... يا سلاااااااااااااااااااام ... اناجعان !!
انا : !!!!!!!!!!
امى : ما أحنا لسه شايلين الفطار يا راجل ... ايه ... لحقت هضمت ؟!!
انا مستدركا : المهم دلوقتى يا حاج ... انا منمًر على واحدة كدة بنت ناس .. وكنت عايزك تيجى تشوفها معايا ..
ابويا : ومين بقى سعيدة الحظ اللى بختها الأعمى جابها فى سكتك ؟!!
انا : سونيا جارتنا !!
ابويا : اطلبى البوليس يا زينب !!
انا : ليه بس يا حاج ... ما كنا ماشيين كويس ... مالها بس سونيا ؟؟
ابويا : انت ياض عايز تتجوز واحدة ... بتبات فى بيوت الناس اكتر ما بتبات فى بيتهم ؟!!!
انا : لالالالالا .. انا ماسمحش الكلام ده يتقال ابدا عن سونيا ..دى ست سمعتها زى البرلنت !!
ابويا: عشان لما ابقى اقول عليك اهبل تبقى تصدقنى .. انزل ياض كدة ووقف اى عيلصغير ماشى فى الشارع .. وأسأله تعرف ايه عن سونيا ؟!!!
انا : ياباوعلى فرض ... اللى فات مات خلاص ... واحنا ولاد النهاردة ... والست خلاصاتحجبت دلوقتى .. وبقت حاجة كدة ماشاء الله مثال للمرأة المثالية ... ورمزللعمل الوطنى !!
ابويا : العمل الوطنى ؟؟ ... هو انت هاتتجوز هدى شعراوى ولا ايه ؟؟ ... دى سونيا ياض ... سونياااااااااااااااااااااااا !!
انا : ياعم عارف انها سونيا ... هو انا قولتك عبد الهادى ؟!! ... بارك انت بس الجوازة وهى هاتتقضى وربنا يسهلها ان شاء الله
ابوياوهو يحضننى بنفس التلقائية : الف مبروك يا حبيبى .. آخيرا جه اليوم اللىاشوفك فيه عريس ... يا سلااااااااااااااااام ... بس انا لسه جعان !!
**********************
بعدجلسة المباحثات المطولة على المائدة المستديرة المسماه عند الطبقاتالشعبية بالطبلية ... وافق والدى العزيز على العروسة وقرر الذهاب الى بيتالعروسة للتقدم !!
وفى مساء اليوم التالى ارتديت قميص جديد آخرصيحة استلفته من أحد الجيران ( الله يستر عرضه ) .. قميص عليه كل الوانالورود المختلفة .. أخضر × احمر × ازرق .. جنينة متنقلة !! .. وارتدىوالدى هو الآخر جلبابه الابيض .. صاحب أكبر بقعة زيت فى المنطقة كلها ...رغم اننا بنستعمل برسيل ابو نضافة مالهاش مثيل !! ... ماعلينا ..
انطلقناعلى بركة الله متجهين الى منزل الست سونيا ... وما ان وصلنا وفتحت لناسونيا الباب ... حتى انطلق والدى فى الهتاف .. ازيك يا طاهرة ... يا شريفة... يا ..
انا مقاطعا : ايه يا حاج ... انت داخل مقام ؟؟ ... خش يابا من غير فضايح .. أحسن الولية دى ايديها طويلة وبتاكلها !!
ابويا بخوف : حـ .. حاضر !!
**********************
ودخلنا وقعدنا ...
ابويا: بسم الله ماشاء الله ... البيت جميل .. وفيه حمامين وصالة كبيرة كمان ..والله ولعبت معاكى يا سونيا .. ده أنا آخر مرة دخلت البيت ده ما كانش فيهأوض !!
انا : طب بس بقى أحسن جايه ..
الست سونيا : يا اهلا وسهلا .. يا اهلا وسهلا ... خطوة عزيزة ... شرفتونا وآنستونا
ابويا: اهلا بيكى يا ست سونيا ... شوفى يا ستى احنا هانخش دوغرى فى الموضوع ..وبدون مقدمات ... من الآخر كدة ... انا جاى اطلب ايدك لأبنى !!
سونيا بضحكة ركيعة : هـــــــــــا هأ هأ هأ هأ هــــــــــــــا
ابويا : ايه ده .. هو فى حد تحت الكنبة ولا ايه ؟!!!
انا : كنبة ايه يابا ... خليك معانا أبوس ايدك
ابويا : اومال ايه الصوت ده ؟!!
سونيا بنرفزة عالية : اخرس انت وهو !!
انا وابويا : ط .. طيب !!
سونيا : وبسلامته ابنك ده بقى ماهيته كام ؟؟
انا : لا حضرتك انا ما باخدش ماهية ... اصل انا مش موظف !
سونيا : مش موظف ؟؟ ... اومال ايه يعنى ... عندك مشروع ؟!!
انا : لا حضرتك ولا عندى مشروع ... انا يا ست سونيا بلا فخر ... عـــــــــاطـــل !!
ابويا : وشحات كمان ... يلا بقى !!
انا : بس يا ست سونيا .. انا مقدم على وظيفة كدة وهاستلمها ان شاء الله اول الشهر الجاى ... يعنى كلام اكيد خلاص !!
سونيا : عاطل وشحات ؟؟ ... آه ... وايه بقى الوظيفة اللى هاتستلمها اول الشهر دى يا عنيا ؟!!
انا : آ ... حضرتك انا هابقى شيف فى كوفى شوب .. بس شغلانة بمرتب محترم محترم يعنى !!
سونيا : شيف فى كوفى شوب ؟!! ... والمرتب هايبقى كام يا ضنايا ؟!!!
انا : صاحب الكافيه أكدلى انه مش هايقل عن 200 جنيه !!
سونيا بضحكة بارضو ركيعة : هـــــــــــا هأ هأ هأ هأ هــــــــــــــا
ابويا : تانى ؟؟ .. لأ مابدهاش بقى .. اما انزل اشوف مين اللى تحت الكنبة !!
انا : ابوس ايدك يابا تقعد مكانك !!
ابويا: ايه يا ست سونيا .. مش عاجبينك الـ 200 جنيه .. بكرة يا ستى بمرور الوقتمرتبه يعلى ... وأهى ايد على أيد وبالصبر كل شىء بيعدى !!!
سونيا : انت عارف يا واد انت انا بقبض كام فى الليلة ؟!!!
انا : ايه واد ديه ؟!!! .. ماعلينا .. كام يا ست سونيا ؟
سونيا : 500 جنيه فى الليلة !!
ابويا : اطلب البوليس !!
انا : بوليس ايه بس يا حاج استنى !!
ابويا : بتقولك 500 جنيه فى الليلة دى اكيد شغالة فى بيت من اياهم !!
سونيا : تف من بقك يا راجل انت .. انا بارضو بتاعة بيت من اياهم ...
انا بلهفة : اومال حضرتك بتشتغلى ايه يا سونيا هانم ؟؟؟
سونيا : انا بشتغل فى تهريب الآثار !!
انا : الآثار ؟!!!
ابويا : الحق يا زاهى يا حواس !!
سونيا : آه الآثار ... شغلانة شريفة ... ومفيهاش مرقعة وقلة أدب
ابويا : آه طبعا شغلانة شريفة ... اتصل بالبوليس !!
سونيا : بوليس لمين يا عنيا .. ما الحارة كلها عارفة انى بتاجر فى الآثار .. بس اللى عنده دليل عليا يثبت ...
ابويا : آه يا منحرفة !!
انا مستفسرا : طب هو حضرتك بتعملى ايه بالظبط .. يعنى بتروحى بالليل تسرقى تماثيل من المتحف وتبعيها يعنى ولا ايه بالظبط ؟؟
سونيا: لالالالالالا .. دى شغلانة كبيرة .. آه .. كبيرة أوى يا سى الأفندى ..وانا مجرد حلقة فيها ... كل دورى فى الموضوع ده هو النقل من مكان الاستلاملمكان التسليم وآخد حسنتى واتكل !!
ابويا : طب يعنى الشغلانة دى مش صعبة على واحدة ست زيك ؟؟
سونيا : بالعكس .. دى الشغلانة دى بالذات ماينفعهاش غير واحدة ست !!
انا وابويا فى نفس واحد : اشمـــــــــعـــــــــنى ؟!!!
سونيا: ايه هو ده ؟ ... قصره .. عشان انا اللى بنقل القطعة من مكان الحفر لمكانالتسليم بالعربية وطبعا القطعة دى ببقى رابطاها حوالين وسطى وفوقيها البسالفستان الجينز بتاع الحوامل ... واعمل نفسى حامل !!
انا : ولو اى لجنة وقفتك فى الشارع استحالة تشك فى هدومك !!
سونيا : كلك مفهومية ياسى الاستاذ !!
ابويا : طب والناس اللى معاكى دول مش ممكن يتقفشوا ؟؟
سونيا : يتقفشوا ازاى بس ... اذا كان الناس دول بيبقوا معظمهم ناس تقيله ومسئولين كبار فى البلد !!
انا : مسئولين كبار ؟!!! ... الـــعـــــب !!
ابويا : مصر بتتقدم بينا !!
سونيا : اومال ايه يا سى الاستاذ .. الدنيا حامية .. والكرسى مش دايم !!
انا : طب انتى بتحكيلنا بصراحة كدة ليا ... مش خايفة مننا مثلا ؟!!
سونيا : هـــــــــــــــأ هأهأهأهــــــــــــــأ
ابويا من تحت الكنبة : اطلع من تحت الكنبة يا حيوان ... اطلبى البوليس يا سونيا !!
سونيا مكملة غير مبالية : أخاف منك انت ؟؟ ... انت أهبل ياض انت !!
ابويا : شوفت ... يعنى مش لوحدى ... آدى سونيا كمان بتقول عليك أهبل .. أقتنع بقى يابنى !!
انا : كدة كتيييييييييييييير ... انا ماشى !!
طرااااااااااااااخ ( صوت باب الشقة ينفتح بعد كسره !! )
سونيا : ايه ده انتوا مين ؟ ... وعايزين منى ايه ؟؟
الظابط : آخيرا وقعتى يا سونيا ... ده انتى مغلبانا وراكى من أكتر من سنة .. كله يقف مكانه !!
ابويا ببلاهة : زينب بلغت البوليس !!
الظابط : نعم ؟!!!
ابويا : لأ مفيش ياباشا !!
الظابط : قدامى كلكوا !!
**********************
بعدليلة طويلة فى القسم من أجراءات واسئلة واجوبة لم تخلوا بالطبع من بعضالمناوشات اليدوية من جانب السادة المخبرين !! ( حاجة كدة زى خدمة العملاء) ... تم أخراجنا من القسم انا ووالدى سالمين بعد ان اثبتت التسجيلات التىأخذت عن شقة المدعوة سونيا ( الله يحرقها ) ان انا وابويا مالناش فىالموضوع .. وخرجت الصحف فى اليوم التالى تزف الخبر التالى :
القبض على أكبر شبكة تهريب آثار فى البلاد .. وتورط مسئولين كبار فى القضية !!
ابويا وهو جالس على الكنبة بجوار والدتى : ها يا حبيبى ... مش عايز تتجوز ؟!!
انا : أطلبى البوليس يا زينب !!
آآآآآآآآآآآآآآآآآآآآآآآآآآآآآآآآآآآآآه
- YoOoYoOo............................
المنصب :
الـمـسـاهـمـات : 3429
تاريخ التسجيل : 29/03/2010
العمر : 31
العمل/الترفيه : طالبه جامعيه
مزاجـــــى :
علم البلد :
المهنه :
هوايتي :
رد: أطلبى البوليس يا زينب
الأحد 17 أكتوبر 2010, 12:58 am
ههههههههههههههههههههههههههه
ههههههههههههههههههههههه
بجد جامدة مووووووووووووووووووووووووووووت يانور
انا كل اللى صعبان عليا زينب
تعبت اووووووووى
ههههههههههههههههه
بس بجد جااااااامدة جدااااااااااااااااا
كل مرة تحط موضوع اجمد من التانى على فكرة
ياللا اى خدمة
على المجاملات دى
هههههههههههههههههههههه
ههههههههههههههههههههههه
بجد جامدة مووووووووووووووووووووووووووووت يانور
انا كل اللى صعبان عليا زينب
تعبت اووووووووى
ههههههههههههههههه
بس بجد جااااااامدة جدااااااااااااااااا
كل مرة تحط موضوع اجمد من التانى على فكرة
ياللا اى خدمة
على المجاملات دى
هههههههههههههههههههههه
- mr.Fire Eagleنائب المدير
المنصب :
الـمـسـاهـمـات : 1568
تاريخ التسجيل : 22/12/2009
العمر : 34
العمل/الترفيه : فارس بلا جواد
مزاجـــــى :
علم البلد :
المهنه :
هوايتي :
القلب :
رد: أطلبى البوليس يا زينب
الأحد 17 أكتوبر 2010, 2:00 am
هههههههههههههههههه
والله انا همي علي رصيد زيبنب اللي خلص ده
هههههههههههههههههههههه
الموضوع مش سهل وبقا فيه زينب
نور والنبي انا كمان عايز اتجوووووووز
بقااااااااا
ههههههههههههههههههههههههههههههههههههههههههههههههههههههههههههههههههههههههه
هتطلبي زينيب ولا اااايه
هههههههههههههههههههههههه
تسلم والله جاامدة مووووووت
نور
والله انا همي علي رصيد زيبنب اللي خلص ده
هههههههههههههههههههههه
الموضوع مش سهل وبقا فيه زينب
نور والنبي انا كمان عايز اتجوووووووز
بقااااااااا
ههههههههههههههههههههههههههههههههههههههههههههههههههههههههههههههههههههههههه
هتطلبي زينيب ولا اااايه
هههههههههههههههههههههههه
تسلم والله جاامدة مووووووت
نور
- noor...................................
المنصب :
الـمـسـاهـمـات : 4085
تاريخ التسجيل : 24/08/2009
العمر : 37
العمل/الترفيه : مترجم
مزاجـــــى :
علم البلد :
المهنه :
هوايتي :
القلب :
رد: أطلبى البوليس يا زينب
الأحد 17 أكتوبر 2010, 7:29 am
ههههههههههههههههههههههه اكيد مغرقاني
هو في حد مغرقني غيرك ربنا يخليكي يايويو
مرسي ياقمر لمرورك الجميل ومنوراني دايما ياعسل
وابقي متنسيش تحسبيني علي شويه الضحك الي ضحكتهملك ببلاش دول الضحك بقي بفلوس
منورني يانسر مرسي ياجميل لمرورك الجميل متأقلقش زينب كانت
بتتكلم علي التليفون الارضي وهكلمك زين ياسيدي تشوفلك عاروسه اي خدمه بس كده
عشان مبقاش حرمت اي حد من حاجه اهو
منورني والله ياشباب ومرسي لمرورك الجميل ده
هو في حد مغرقني غيرك ربنا يخليكي يايويو
مرسي ياقمر لمرورك الجميل ومنوراني دايما ياعسل
وابقي متنسيش تحسبيني علي شويه الضحك الي ضحكتهملك ببلاش دول الضحك بقي بفلوس
منورني يانسر مرسي ياجميل لمرورك الجميل متأقلقش زينب كانت
بتتكلم علي التليفون الارضي وهكلمك زين ياسيدي تشوفلك عاروسه اي خدمه بس كده
عشان مبقاش حرمت اي حد من حاجه اهو
منورني والله ياشباب ومرسي لمرورك الجميل ده
- YoOoYoOo............................
المنصب :
الـمـسـاهـمـات : 3429
تاريخ التسجيل : 29/03/2010
العمر : 31
العمل/الترفيه : طالبه جامعيه
مزاجـــــى :
علم البلد :
المهنه :
هوايتي :
رد: أطلبى البوليس يا زينب
الأحد 17 أكتوبر 2010, 2:35 pm
ههههههههههههههههههههههه
ياسلام يانور
من عينى
بس انت قول عايز كام وانا اديلك اللى انت عايزه
ياسلام يانور
من عينى
بس انت قول عايز كام وانا اديلك اللى انت عايزه
- SEmba............................
المنصب :
الـمـسـاهـمـات : 733
تاريخ التسجيل : 25/03/2010
العمر : 32
العمل/الترفيه : طالبه جامعيه
مزاجـــــى :
علم البلد :
المهنه :
هوايتي :
رد: أطلبى البوليس يا زينب
الإثنين 18 أكتوبر 2010, 1:25 am
ههههههههههههههه
جميله اوووووووووووووووووى بجد
جميله اوووووووووووووووووى بجد
- noor...................................
المنصب :
الـمـسـاهـمـات : 4085
تاريخ التسجيل : 24/08/2009
العمر : 37
العمل/الترفيه : مترجم
مزاجـــــى :
علم البلد :
المهنه :
هوايتي :
القلب :
رد: أطلبى البوليس يا زينب
الإثنين 18 أكتوبر 2010, 9:45 am
الي انا عاوزه انتي بتهيألي كده مش هتقدري عليهYoOoYoOo كتب:ههههههههههههههههههههههه
ياسلام يانور
من عينى
بس انت قول عايز كام وانا اديلك اللى انت عايزه
مش عارف بصراحه هتقدري ولا لاء علي العموم نجرب
منوره
- noor...................................
المنصب :
الـمـسـاهـمـات : 4085
تاريخ التسجيل : 24/08/2009
العمر : 37
العمل/الترفيه : مترجم
مزاجـــــى :
علم البلد :
المهنه :
هوايتي :
القلب :
رد: أطلبى البوليس يا زينب
الإثنين 18 أكتوبر 2010, 9:46 am
مرسي لمرورك الجميل ياسيمبا منوراني ياجميل
- FaReSمشرف على حق
المنصب :
الـمـسـاهـمـات : 492
تاريخ التسجيل : 17/08/2009
العمر : 37
العمل/الترفيه : محااااااااااسب
مزاجـــــى :
علم البلد :
المهنه :
هوايتي :
رد: أطلبى البوليس يا زينب
الإثنين 18 أكتوبر 2010, 9:21 pm
ههههههههههههههههههههههههههههه
جامده موت تسلم ايدك عسل
جامده موت تسلم ايدك عسل
- YoOoYoOo............................
المنصب :
الـمـسـاهـمـات : 3429
تاريخ التسجيل : 29/03/2010
العمر : 31
العمل/الترفيه : طالبه جامعيه
مزاجـــــى :
علم البلد :
المهنه :
هوايتي :
رد: أطلبى البوليس يا زينب
الإثنين 18 أكتوبر 2010, 10:35 pm
ليه بقا بتقول مش هقدر
شكل كدا طلبك هيبقا جامد اوى
بس قول قول
ان شاء الله هعملو
ياللا عشان مش تقول انى حرماك من حاجة
هههههههههههههههههههه
شكل كدا طلبك هيبقا جامد اوى
بس قول قول
ان شاء الله هعملو
ياللا عشان مش تقول انى حرماك من حاجة
هههههههههههههههههههه
- noor...................................
المنصب :
الـمـسـاهـمـات : 4085
تاريخ التسجيل : 24/08/2009
العمر : 37
العمل/الترفيه : مترجم
مزاجـــــى :
علم البلد :
المهنه :
هوايتي :
القلب :
رد: أطلبى البوليس يا زينب
الإثنين 18 أكتوبر 2010, 11:14 pm
غالي والطلب رخيص
ههههههههههههه
دي مش طلباتي دي طلبات الاسياد
حوش ياحواش بعيد بعيد بعيد
ربنا يجعل كلامنا خفيف عليهم
ههههههههههههه
دي مش طلباتي دي طلبات الاسياد
حوش ياحواش بعيد بعيد بعيد
ربنا يجعل كلامنا خفيف عليهم
صلاحيات هذا المنتدى:
لاتستطيع الرد على المواضيع في هذا المنتدى