الجوهرة لازم يتحافظ عليها

طول عمرنا عارفين حدود عورة المرأة وعورة الرجل
عارفين ان المرأة كل جسمها عورة ماعدا الوجه والكفين والراجل من السرة لحد تحت الركبة
لو مشينا في الشارع دلوقتي هنلاقي الوضع مش اتقلب بس دا اتبهدل خالص
يعني الراجل دلوقتي واحنا في الحر ده كبيره يلبس تيشرت بنص كم على بنطلون
ولما يزودها أوي يلبس حاجة من غير كم وتلاقي كل اللي ماشي يقول هو فاكر نفسه في مصيف ده ولا ايه
وهو أصلا عورته أقل من نص جسمه
نبص على البنت بقى اللي المفروض عورتها كل جسمها ولو كانت جميلة هيدخل وشها في الموضوع
هتلاقي في بنات تقريبا مابقاش عندهم حاجة اسمها عورة اصلا
الميكرو جيب والكت واللي كاشف البطن واللي كاشف معرفش ايه
مش فاهمة ازاي البنت تكشف جزء من جسمها الراجل نفسه مش من حقه يكشفه
الوضع بقى مقلوب الولد متغطي والبنت مكشوفة
وده قلب الوضع في حاجات كتير تانية

للأسف البنت بتهين نفسها وهي مش حاسة
لما تكشفي معظم جسمك علشان ترضي أي واحد ماشي في الشارع تبقي بتخرجي نفسك برة دايرة الأدمية وتتحول في نظره لمجرد جسد
ايه اللي يجبرك انك تخلي أي واحد ماشي في الشارع يشوف حتة في جسمك هو مش من حقه يشوفها ويرضي بيها شهوته وغريزته على حسابك
انتي استفدتي ايه ؟
اي بنت دلوقتي لما تكلمها تقولك انا لازم يبقى ليا شخصيتي المستقلة لما أتجوز وأنا مش وظيفتي في الحياة اني أطبخ وأغسل ولازم يبقى في مساواة

طيب بأي حق بتطالبي بده وانتي بتحولي نفسك مجرد وسيلة ترضي بيها غريزة واحد ماشي في الشارع
هتبقى غالية إزاي وانتي حولتي نفسك لبضاعة متاحة بالمجان
واللي تعمل كده علشان تشوف نظرة إعجاب من واحد ماشي .. وانت اتوجدتي بس علشان تعجبي اللي ماشي في الشارع
علشان تشوفي نظرة الاعجاب في عينهم
اللي هي في الحقيقة نظرة شهوانية مش أكتر

ازاي يبقى ربنا كرمك وكرم جسمك وخلاكي لواحد وغلاكي عنده أوي ووصاه عليكي وأنعم عليكي وخلاكي مش للعرض لكل من هب ودب
وانتي تيجي ترخصي نفسك كده علشان نظرة من واحد ماشي ممكن أصلا يكون حرامي ولا نصاب ولا قتال قتلة حتى

كلمة لكل البنات
بصراحة متناهية أنا شايفة إن إحنا نزلنا كتير عن المستوى اللي عمله ربنا لينا
ربنا رفعنا واحنا نزلنا نفسنا
مش هقول كل البنات لأن في بنات عارفه كويس اللي ليها واللي عليها
بس هقول ان اغلبنا مشي ورا نظريات كتير أوي دخلت علينا ظاهرها بيقول انها بترفعنا وهي في الحقيقة بتشدنا لسابع أرض
زي المساواة والحرية الشخصية ونظريات تانية خرجت بنات كتير برة دايرة التكريم اللي ربنا عملها

الحرية الشخصية مش انك ترخصي نفسك وتحولي نفسك لمجرد سلعة بتتوزع بالمجان
والمساواة مش انك تتخلي عن مسؤولياتك اللي ربنا فرضها عليكي وتشوفي مسؤوليات الطرف التاني وتكرريها
الحرية مش انك تأذي نفسك وتعرضيها لمضايقة واحد بكلمة أو بلمسة لحاجة هو أصلا مش من حقه يشوفها

ربنا خلقنا هنا لكل واحد مكانته وعرف كل واحد اللي له واللي عليه لما نخالف ده وندور على مكانة غير اللي اتخلقنا عليها أو ندور على دور غير اللي مطلوب مننا
يبقى نستحمل اللي يجرالنا وما نشتكيش

لكل واحد وجهة نظر لابد من احترامها ووجهة نظرك اكيد مش غلط
ممكن تكون مواضيع ف مجملها قضية واحدة
لكن لو دورنا هاتلاقيها زوايا كتير ل قضية مهمة
لو كانت البيئة بس هى المهم معنى كدة ان شخصيتنا ملهاش لازمة
لازم نبقا موجودين ولينا دور مع البيئة
تسلم ع الرد

انت مش لوحدك ولا انا لوحدى لو دورنا بجد
هنلاقى كتير معانا
بس نركز واحنا بندور
مشكوررررررر بجد ع ردك

تسلم يا كيم ع الرد وع المرور الحلو ده

تسلم لزوقك

مشكور