مكالمه تليفونيه

الإثنين 19 يوليو 2010, 6:23 pm

معاكسه تليفونيه

ده ولد صغير بيعاكس صاحب السوبر ماركت فى التليفون يلا نشوف عمل معاه ايه.

ترن ترن ترن ترن

صاحب السوبر ماركت : الو سوبر ماركت اطلب واتمنى فى خدمتك .

الولد: الوو البوليس بوليس النجده .

صاحب السوبر ماركت : بوليس ايه يبنى لا احنا السوبر ماركت .

الولد : الحقنى يا عمو الشرطى انا عاوز ابلغ عن جريمه قتل.

صاحب السوبر ماركت :عمك الشرطى مين ياض انا بقؤلك انا صاحب السوبر ماركت.

الولد : وانا بقؤلك فى جريمه قتل.

صاحب السوبر ماركت :جريمه قتل يخرب بيتك وبتكلمنى اقفل مليش دعوه.

الولد : كده يا عمو الشرطى مش انتو برضو بتقولو ان الشرطه فى خدمه مجلس الشعب.

صاحب السوبر ماركت :مجلس الشعب ومجلس الشورى ايه يبنى اسمها الشرطه فى خدمه الشعب.

الولد : طب اخدمنى بقه ونفذلى طلبى.

صاحب السوبر ماركت :يبنى اخدمك بعنيه وانفذلك طلبك بس يكون حاجه سهله يعنى عاوز نص كيلو جبنه براميلى على ربع لانشون
على علبتين جبنه نستو لافاش كيرى .انما تقولى قتل لا لحد هنا وستوب.

الولد : مش بحب لافاش كيرى عندك بريزدون.

صاحب السوبر ماركت :ده انت عيل رخم قوى بقا بتقول عندك جريمه قتل وتكلمنى عاوز بريزدون .

الولد : ما الخوف اللى انا فيه جوعنى .

صاحب السوبر ماركت :بس للاسف مش هوصلك طلبك دليفرى عشان القتيل اللى عندك

منا عارف الحركات دى اجيلك تكون كلمت البوليس وتقوله هو ده اللى قتله .

الولد : خلاص كتك الارف انت مش جدع على فكره.

صاحب السوبر ماركت :وانت عيل رخم على فكره.

وقفل السكه.

.................................................. ....

شويه وجرس تليفون السوبر ماركت رن تانى .

صاحب السوبر ماركت :الووو

الولد : الو الاسعاف.

صاحب السوبر ماركت : انت هتستلمنى شكلك انهارده.

الولد : لو سمحت عاوز عربيه اسعاف ماركه بيجو 7 راكب مكيفه .

صاحب السوبر ماركت :ما اجيبلك شيروكى احسن وبعدين بيجو 7 راكب ومكيفه ازاى يعنى.

الولد : القتيل عندو نبض فى امل يعيش الحقنى بسرعه.

صاحب السوبر ماركت : انا امى دعت عليه شكلها انهارده .

الولد : اكيد زعلتها هو فى احسن من حنان الام يا عمو دى الام دى مدرسه .

صاحب السوبر ماركت :بس ياض انت هتعملى فيها استاذ وتكلمنى عن الام .

الولد : انت راجل عديم الاحساس.

صاحب السوبر ماركت :وانت عيل ابرد منك ما شوفت.

وقفل السكه .

.................................................

شويه وجرس التليفون رن تانى.

صاحب السوبر ماركت :الووووووو.

الولد: الووو المطافى.

صاحب السوبر ماركت : ياريت تولع عشان اخلص منك .

الولد : يا عمو القتيل هيموت محروق منى الحقنى .

صاحب السوبر ماركت : هيموت منك مش عيب عليك تبقا عيل فى كى جى تو وتبقا قتال قتله .

الولد : متقلبش عليا المواجع بقه.

صاحب السوبر ماركت : عموما مفيش مطافى ولو عاوز تتطفى عندك حنفيه بيتكو ابقا استعملها.

الولد : لالالالالالالالالالا يعنى خلاص مفيش امل صوصو كده هيموت منى.

صاحب السوبر ماركت : صوصو ؟؟؟صوصو مين؟؟؟

الولد : عصفورى اللى حرقته وخنقته ودبحته وكسرت رجله فى ساعه نرفذه.

صاحب السوبر ماركت : ده انت مجنون يله انا هكلملك العباسيه .

الولد : سلام بقه كفايه هزار فى التليفون مش عيب عليك راجل كبير وتعاكس فى التليفون وكمان معاد نومى جه.

ههههههههههههههههههههههههههههههه

الإثنين 19 يوليو 2010, 7:22 pm

ههههههههههههه
تسلم ايدك يانونه
وياريت مش تكتبى تانى باللون الاصفر عشان عينى وجعتنى

الإثنين 19 يوليو 2010, 7:25 pm

ماشى يا يويو يا لمضه

الإثنين 19 يوليو 2010, 7:34 pm

ههههههههههههههههه

يلا يا لمضه منك ليها

انا لو مكان صاحب السوبر ماركت كنت جبت عنوان الواد ده

وقتلته وارتحت

الإثنين 19 يوليو 2010, 10:44 pm

ماشى ماشى
انا لمضة ماشى ياعابر انت ونهى
بس لما اشوفك يانهى استنى عليا
مكالمه تليفونيه 584637

الإثنين 19 يوليو 2010, 11:28 pm

انا عملت حاجه انا غلبانه على فكرة يا احمد ايه انتيمتى ومعايا فى الكليه مكالمه تليفونيه 882927

الإثنين 19 يوليو 2010, 11:41 pm

سبتينى يابت ماشى يختى
عفا الله عما سلف
مش هعملك حاجة
ياللا لله

الإثنين 19 يوليو 2010, 11:43 pm

لا ونبى تعالى اضربينى بلاش الحركات ديه اودام البشر دول ميعرفوناش

الإثنين 19 يوليو 2010, 11:46 pm

لااااااااااااااااااا والنبى بلاش
خلينا نستر على بعض احسن
مش قدامهم

الثلاثاء 20 يوليو 2010, 1:31 am

هههههههههههههههههههههههههه

جامدة جدااااااااااااااااا على فكرة

بس الواد عسل وربنا بحب انا الرخامة دى

هههههههههههههههههههههه

تسلم ايدك يا جميييييييييييييييييل

الثلاثاء 20 يوليو 2010, 2:00 am

ماشاء الله ربنا يزيدك من رخامته كمان وكمان ولا يحرمك منه

الثلاثاء 20 يوليو 2010, 2:07 am

هههههههههههههههه
علي فكره جامده جدا بس برضو صاحب السوبر ماركت طيب شوبه
انا لو مكانه كنت ...................و...................علي طول
مكالمه تليفونيه 534982

مرسي يا نها علي المكالمه الجامده دي

الثلاثاء 20 يوليو 2010, 2:09 am

بس فعلا انت عندك حق انا كان المفروض اعمل زيك كده بس يلا عفا الله عما سلف انت الكبير بردو

الثلاثاء 20 يوليو 2010, 2:10 am

hhhhhhhhhhhhhhhhh

msh 2asdy eno yr5m 3laya ana

dana afgro asln lw 7awl bs eno yr5m

ana 2asdy 2oslobo fel ra5ama

hhhhhhhhhhhh

الثلاثاء 20 يوليو 2010, 10:57 am

تسلم ياعسل
وسوري علي تغيري لالوان موضوعك
لاني مش كنت شايف اللون الاصفر
تسلم الانامل

الثلاثاء 20 يوليو 2010, 2:11 pm

انا اسفه بجد مش هكتب بيه تانى

الثلاثاء 20 يوليو 2010, 6:59 pm

بتعتزري علي ايه انا كده هزعل كلنا هنا اصحاب
ومفيش حاجه حصلت عشان تعتزري عليها
انتي ناسيه اننا اصحاب توب
ههههههههههههههههههههه
وياستي اكتبي بالالوان الي تعجبك واحنا هنا بنصحح امال لزمتنا ايه
تسلم ايدك الواد رخم صحيح بس زي العسل