اسأله ملهاش اي لازمه في الدنيا

الجمعة 20 نوفمبر 2009, 11:57 pm

اسأله ملهاش اي لازمه في الدنيا
بنتعرض ليها كل يوم من كل الناس
اسبكم مع الاسأله

س: انت في اوضتك علي السرير وطافي النور ومتغطي يجي اخوك الظريف ويفتح الباب عليك ويقولك: ايه انت هتنام ولا ايه؟
اظن ده مش وضع الرقص !واضح ان انا هنام
س: انتم معزومين عند ناس ورحتو لبيتهم واول مافتحولكوا الباب يقول: ابنهم الصغير انتوا جيتو؟
لا لسه (طيب قولولي انتم هتردو عليه تقولو ايه)0
س: انت لابس هدومك ومتأنتك وعلي سنجه عشره وريحه البارفان واصله لاخر الشارع وخلاص بتفتح باب الشقه يجي حد من اهلك
وينادي: بصوت عالي: انت خارج ولا ايه؟
لا لسه راجع
س:او مثلا راكب العربيه ودورتها وخلاص هتطلع يجيلك البواب ويخبطلك علي الزجاج وانت بكل ذوق تفتح الزجاج وتقوله
خير في حاجه؟
يقولك: انت رايح الشغل يا بيه؟
لا اصل العربيه واحشاني
س: ماسك سماعه التليفون وقاعد تضغط الارقام يجي حد من اهلك ويقولك انت هتتكلم في التليفون؟
لا بتفرك عليه (مهو واضح اني بتكلم في التليفون)0
س: ماسك كتاب او مذكرة وقاعد تحفظ ومتحمس (مهي اول مره بقي)جيه حد وقالك: هاه قاعد تذاكر؟
تروح رامي الكتاب بسرعه وتقوله لالالالالا مين قالك كده
س: ربنا هديك كده وماسك سبحه وعمال تسبح، يجي حد من البيت يعدي عليك ويقلك:هو انت بتسبح؟
لاء هفرطها وسلقها
ولا بقا القنوات واسألتها البيخه الرخمه
برنامج اهداءات يتصل واحد يطلب اغنيه ترد عليه ست الكوتكوته(الي هي المذيعه يعني)وبكل خفه انت بتحب الاغنيه ديه ولا ايه؟
لاء طالبها اخنق علي نفسي
او مثلا في العيد
المذيع: ههههههههه نتعرف بيك
المواطن: فلان الفلاني
المذيع: ههههههه تقول ايه لاهلك واصحابك وقريبك والناس اللي انت مخاصمهم كمان؟
المواطن: اقولهم كل عام وانتم بخير
(اكيد يعني مش هيقولهم البقاء لله)
**********************

المذيعه الرخمه: وياتري بقي هتعملو ايه في العيد ده هتقضوه ازاي؟
اكيد بيبقي زيارات الاهال والصحاب وتخرجوا تشوفوا مظاهر العيد في الشوارع وتفسحو اولادكم ونتصل بالمعارف نعيد عليهم
ونقولهم كل سنه وانتو طيبين
سبتيله ايه يقوله يارخمه
والارخم بقي لما الذيعين يكلموا الاطفال يقول الذيع للطفل: انت تحب ماما وبابا!!!!!!!!!!!0
يعني اساسي الواد لسه ماطلعلوش عرق النداله علشان يقول لأ
شوفتو الرخامه
يارب الرخامه ديه تعجبكم بس فعلا الاسأله ديه احنا تقريبا بنتعرض ليها كل يوم
اسأله ملهاش اي لازمه في الدنيا 110