رقم موبيل الرئيس وربنا يستر

فى يوم يالمضين وكلنا قاعدين جه اعلان ظريف خفيف في التلفزيون اتصل بالريس بسرعه واشتكى من اى حاجه مضيقاك
وده قمه الريس
................
طبعا مش حبيت اوضح الرقم علشان محدش يتصل


وبمجرد أعلان الخبر عن تليفون الرئيس حتي أمسك جميع المواطنين بتليفوناتهم ..!!

فرحة كبيرة … إنتابت الجميع ….

كان أمل الجميع ..شرف مكالمة الرئيس ….وعرض مشكلته عليه … ؟

حتي في دور العبادة … إنشغل الجميع بالتواصل مع الرئيس …!!


حتي الأطفال … أحبوا أن يكلموا ..عمو الريس …..

وطلبوا منه طلبات غريبة جداً …!!!!

وفعلا الريس فتح باب المكالمات ليرد ع الشعب



المكالمة الأولي :
- ألو ….
- أيون …
- إنت الريس …
- أيون يا حبيبي … إيه مشكلتك ….
- أنا ياريس دخلت قسم شرطة أعمل محضر قام الظباط والمخبرين ضربوني علي قفايا وجابوا ساعة رقمية وقعدوا يشوف من حيضربني أكتر علي قفايا في الدقيقة وما خلصوش إلا لما ظابط المباحث عمل رقم قياسي وضربني 80 قفا في الدقيقة لغاية ما قفايا ورم ونظري ضعف … يرضيك كده ياريس وأنا ولا مجرم ولا حاجة أنا رايح أشتكي وأعمل محضر في الجيران …
- بص يا مواطن … إحنا كلنا في خدمة الوطن.. والشعب في خدمة الشرطة ..لما يكون ظابط بيحميك ويحمي أولادك إيده بردانة شوية وعايز يدفيها ويسخنها في قفاك ده يزعلك … لازم تضحي شوية علشان الوطن …!!
- شكراً ياريس ..ربنا يخليك لنا ويخليك للوطن … ؟


المكالمة الثانية :
- ألو
- أيون
- الريس معايا شخصياً
- أيون … قول يا مواطن … إيه مشكلتك …
- أنا ياريس وغيري ملايين ساكنين في المقابر وتحت الكباري وفي عشش في ال …في ال
- أسكت ..إتكلم عن نفسك بس يا مواطن بلاش تعميم … إنت عايز تعمل لي تنظيم علي التليفون؟ فاهم.. ولا أفهمك بطريقتي …
- فاهم فاهم يا ريس …
- كمل يا مواطن …
- نفسي في شقة من إللي بتتوزع علي لاعيبة الكورة والعقود إللي بتتوزع وبنشوف تصاويرها في التلفيزيون…
- واضح يا مواطن إنك مش متعلم ومش فاهم حاجة … تسكينك في المقابر إنت وغيرك ده له حكمة عظيمة ..
إنت عارف إن الدين بيأمرنا بزيارتها للموعظة والإعتبار من آن لأخر لكي نعرف أنها دنيا فانية …
وإنت محظوظ كل يوم وكل ساعة بتتعظ … ده إنت تحمد ربنا إننا لم نأخذ منك ضريبة إتعاظ …. !!
- طب ما تيجي ياريس تتعظ عندنا شوية …
- إخرس … يا ..(….)
دببببب …
وتم غلق الخط …


المكالمة الثالثة :
- ألو ….
- أيون
- الريس حبيبنا معانا ….
- أيون أيوه كده ….إيه مشكلتك يا حبيبي …؟؟
- أنا ياريس شاب عندي 29 سنه ومتخرج بقالي 9 سنين ومش لاقي شغل ..ولسة بآخد مصروفي من والدي وقاعد علي القهوة طول اليوم … نفسي أشتغل ياريس …
- أنت غريب قوي يا مواطن … مش تحمد ربنا إننا مريحينك ..عايز تروح للشقي برجليك … وبعدين مالها قعدة القهوة … إتعلم منها حاجة تفيدك …ممكن تبقي بطل شطرنج زي كسباروف وساعتها تعرف إن جلوسك علي القهوة كان مصلحة …
- ياريس عايز أكون نفسي …
- ما تكونها يا حبيبي حد حايشك …؟!!
- أكونها إزاي من غير شغل ..؟؟
- إيه يا مواطن أنا ماسك أعصابي … إنت عايز البلد تكون ملايين من الناس.. إحنا فاضيلنك ولا إيه..؟؟ إحنا عندنا عيال بنكونها برضه …. خلي أبوك يكونك يا مواطن …
دبببب …وتم غلق الخط ….


المكالمة الراابعة …
- ألو ..صباح الخير ياريسنا يا جميل …
- ألوووووووووو…صباح الجمال … أيوه يا شابة .. إيه مشكلتك وأنا أحلها لكي في فمتوثانية …
- أنا يا ريس عانس … وصلت لسن 35 ومش لاقية عريس … نفسي أتجوز زي البنات كلها ويبقي عندي بيت وأسمع كلمة ماما ….
- هههههه … إنتى تحمدي ربنا …جواز إيه وقرف إيه …خلفة وطبيخ وواحد متخلف ينكد عليكي ومسئولية … خليكي كده ….
- ياريس … نفسي أحب وأتحب ….
- يا مواطنة … حب الوطن كفاية عليكي ….
- يعني أتجوز الوطن وأجيب منه عيال ..!!!
- يوووه … إنت مش عجبك كلامي طيب …
تييييييييييييييت

هههههههههههههههههههه
جاااااااااااااااااامد
بس خافى على نفسك من بعد الموضوع ده

تسلم ايدك
وربنا يحميكى يا بنتى

ونشوفك على خير يا رب ههههههههههههههههههههه

ههههههههههههههههههههه
لا متخفوش مش بخاف من حد غير ربنا بس
وبعتونى فى ثوانى كدا بحسبكم كدا لو حصلى حاجة هدفعوا عنى بس طلعتو اصحاب مفيش زيهم
ههههههههههههههههههه
ميرسى ليكم على الرد
تقبلت مروركم

ههههههههههههههههههههههههه انت اللى كدا هتخلينا نتمسك
هههههههههههه كلو يدخل ويشتكى
هههههههههههههه ولايهمك عادى
نورت الموضوع
وتشرفت بمرورك

ههههههههههههههههه
جامدة جداااااااااااااا
تسلم ايدك ياميما ياعسل
وربنا يستر علينا
ومش تخافى ياميما
لوجرالك اى حاجة
انا اول واحدة هندل معاكى
ههههههههههههههه
وبعدين شكوى ايه ياميما
دا الريس مدلعنا على الاخرررررررررررر ومش مخلينا محتاجين اىىىىىىىىىىىى حاجة
ربنا يقصف عمره
يااااااااااااااارب

هههههههههههههههههههههه
تسلم ايدك ياقمر ع الرد
على الاخر مش مخلينا عاوزين حاجة انتى هتقولى فيها
هههههههههههههههههه
نورتى الموضوع ياقمر
يارب امين

ههههههههههههههههههههه
جامد بجد
هتوحشينايابنتى