- nanos2009............................
المنصب :
الـمـسـاهـمـات : 319
تاريخ التسجيل : 10/07/2010
العمر : 32
مزاجـــــى :
علم البلد :
المهنه :
هوايتي :
القلب :
الكبيبه المصــــــــــــــــريه
الجمعة 16 يوليو 2010, 2:15 pm
- المقادير:
نصف كيلو لحمة مفرومة
او ممكن نستبدلها بكبد وقوانص
عشان احنا عارفين ان في مقاطعة للحمة اليومين دول
بصل يعني بصلتين كبار كده
راس ثوم
2 حبة طماطم بس كبار
حبة بطاطس كبيرة او 2 متوسطين
كسبرة خضراء بس دي بقي مش كتير
عشان لونه ميغيرش لانها ممكن تخلي لونه غامق
فهنحط حبة عشان الريحة والطعم يعني نصف حزمة
كوب ارز وده اما نطحنه او ينقع كام ساعة
عشان يبقي سهل في الفرم بس الاحسن الطحن
وفريك بس مش فريك بتاع البرغل لا
ده ياجماعة عندنا بنعمله ازاي
عارفين طبعا الذرة المشوي
احنا بقي بنسيبه ينشف
ويتحمص في الشمس
وبعدين نفرطه ووقت الاستخدام نسخنه في صنية او صاج في الفرن مع التقليب المستمر عشان ميتحرقش
وبعدين نسيبه يبرد وبعدين يطحن في المطحنة
وممكن نعمل معاه رغيف عيش بس الخفيف
يعني نسخنه عشان ينشف ونطحنه معاه
ملح وفلفل
وبهارات
ومرقة (شوربة) دجاج او لحمة
زيت للقلي وبيض للقلي - التحضير: كل اللي هنعمله هنكون مجهزين كل حاجة
يعني مقشرين البصل ومقطعينه ومقشرين والثوم
ومقشرين البطاطس وغسلنها ومقطعينها
والطماطم مغسولة ومقطعة
والارز مطحون والفريك مطحون وناعم
والكسبرة كمان
اكيد فاهمين يعني هنعمل ايه
وكل حاجة نخلطها مع بعضها مع اضافة الملح فقط
ونفرمهم كلهم جيدااااااااااااا وتكون ناعمة جداا
وبعدين نضع البهارات والفلفل الاسود ونقلبهم جيداااا
وبعدين نصبعها نعملها زي الكفتة بس نتاكد انها متماسكة مع بعضها عشان متفكش مننا
وبعدين نرصها في حلة
وتسقي بالشوربة الساخنة حتي تغطيه جيداا
يعني نزود الشوربة عليه شوية
ونضعه علي النار واول ميغلي نهدا النار عليه ونتركه ليغلي - الطبخ: وبعد ميستوي وهنعرف منين انه استوي ياما بشوكة او خلة بتاع الشيش تووك اوك
بعد كده نجيب بيضتين او 3 ونحط عليهم شوية فلفل اسود عشان ظفارة البيض وذرة ملح ونقلبهم جيداااا
ونكون حاطين زيت في طاسة علي النار عشان يسخن
ونبل الكبيبة دي في البيض ونضعها في الزيت
ونخلي لونها وردي هي مش هتاخد وقت في التحمير
ونطلعها علي ورق مطبخ عشان يمتص الزيت
وبعدين نقدمها
ممكن يفضل منك شوية شوربة في الحلة بتاع سلق الكبيبة
دي بقي لو ذوقتيها هتعجبك جدااااااااااااااااااا وبيبقي حلو قووي وهو مسلوق
- المرفقات
صلاحيات هذا المنتدى:
لاتستطيع الرد على المواضيع في هذا المنتدى