دموع الحـــــــــــــــــــــــــــــــــــــب

الأحد 03 أغسطس 2008, 2:44 pm

حب ايه اللى انت جاى تقول عليه
حب ايه اتبنى على البعاد وسنين الضياع

حب الاحباب اللى صار عذاب
ولا القلوب اللى نسيت طعم الافراح
والبحور اللى ملتها الدموع...والذكريات مليانة آهات تهد جبال

عشنا طول عمرنا نبنى قصور من الخيال
ملينا ايامنا باحلامنا
كانت آهتنا لما نسمعها بتمزق قلوبنا

قالوا على حبنا اجمل قصة حبيبين
ماعرفوش يوم اننا عشنا من المجروحين
من الجراح والليل اللى عذابه طال
واحلامنا اللى قلوبنا عليها قصة خيال

والدموع سايلة على الخدود راحت الابتسامة ونسمة العبير
ومافضلش فى عيونا غير نظرة مالهاش مصير
ونعمل ايه واحنا من الزمان مجروحين
وافراحنا وابتسامتنا مروحين

وبعد البعاد وسنين الضياع
جاى طالب منى النسيان
وازاى انساك بعد ماعرفت منك معنى الحنان
طيب جيت ليه تجرحنى ولا تفرحنى
ولا تنسينى دموعى الحزينة

هان الود على القلوب ونسينا لغة العيون
مات الحب فى قلبك ومافضلش غير الحزن مالى العيون

فين الابتسامة والنظرة الرقيقة والضحكة البريئة
كان نفسى الاقى فى عيونك احلامى
دلوقتى مافضلش فى عينيك غير آلامى

راحت آمالى واحلامى ومافضلش غير عذابى معاك
والحب اللى راح عمره مابيعود

والدموع بقت سايلة على الخدود
وكان حبى ليك فاق كل الحدود
وجيت تقولى عمر حبك فى قلبى بقى محدود
وليه وانا اللى بحبك بنيت جزيرة وسط البحور
وسكنت السماء وبنيت ليك فيها اجمل قصور

وبعد البعاد وسنين الضياع
كان نفسى نتقابل بالحنين
وانسى الجرح اللى عايش فى قلبى من سنين
الجرح اللى خلانى اعيش بين المجروحين
*********************

همسة

حبيبى الغالى انسانى...ومش راح ارجع تانى
مدام قلبك خلاص باعنى وجرحنى وبكانى
وسابنى جريح فى وهم كبير وزرع الآه فى احضانى
انت انانى..حبيب ايامى ..تجرح قلبى ..تهد كيانى
شفت بعينى ضياع احلامى ودموع قلبى وغدر زمانى
قولى اللى انت عملته عشانى وانا بتالم وانا وحدانى
جرح جرحت..فى احلامى بعت
يا سبب المى وطول احزانى
ياما فى عز الفرح جرحت..ياما كدبت وياما خدعت
ياما بكيت من ظلمك ليا..ولا يوم فقت ولا اتوجعت
كنت بتعبد واجى اصالحك
مليون غلطة وقلبى يسامحك
خلاص ياحبيبى الغالى انا ضعت

***************
اهداء الى من احب

الأحد 03 أغسطس 2008, 4:14 pm

سلمتي وسلم لنا قلمك وخواطرك

ودام لنا نور شعاعك وروعة حضورك

كل الرجاء ان يستمر قلمك بالكتاية

وان يستمر بوحك بالعزف على مسامعنا

النابع من فيض وجدانك المتميز

الأحد 03 أغسطس 2008, 4:29 pm

باذن الله تشوفوا منى المزيد ويعجبكم

الإثنين 04 أغسطس 2008, 12:53 am

تسلمى ياموها
كان نفسى الاقى فى عيونك احلامى
دلوقتى مافضلش فى عينيك غير آلامى

بجد احساسك ابكانى

الإثنين 04 أغسطس 2008, 1:46 pm

ميرسى ليكى على مرورك شهرزاد

الخميس 07 أغسطس 2008, 6:26 am

حب ايه اللى انت جاى تقول عليه
حب ايه اتبنى على البعاد وسنين الضياع

مش كل الحب كده يا موهاااااا
بجد فى حب
بيكون فى احسن احساس فى الدنيا
وشكرااا
موهااااااااا

الثلاثاء 19 أغسطس 2008, 1:40 am

اكيد فى حب يا ميدو الدنيا لسة بخير

بس دى رسالة لاكثر انسان حبيته وانا بهديه وكل كلمة بقولهاله

الجمعة 19 سبتمبر 2008, 2:58 am

ياما فى عز الفرح جرحت..ياما كدبت وياما خدعت
ياما بكيت من ظلمك ليا..ولا يوم فقت ولا اتوجعت
كنت بتعبد واجى اصالحك
مليون غلطة وقلبى يسامحك
خلاص ياحبيبى الغالى انا ضعت

بجد حلو جدا اوى
وتسلمى يا موها ياقمر