كل شىء يزيد عن حده

كويس جدا إن الانسان يحب الأخرة و يفضل الجنة على متع الدنيا

بس يا ترى كويس إني أكون كارهة الدنيا

وكل يوم بنام نفسي مصحاش تاني

ومش حاسة فيها بأي فرحة

صحيح مفيش حاجة تفرح

بس انا حاسة إني لو بإيدي متع الدنيا كلها هختار الموت أحسن

لا بقيت عايزة حاجة واصلا بقيت بكره الدنيا كلها

حتى الناس معدش بيهمهم حاجة غير الفلوس
وانا هعمل ايه بالفلوس
ماهي كل حاجة حلوة بتيجي بتروح

"لكي لا تاسوا على ما فاتكم ولا تفرحوا بما اتاكم"

صحيح مش المفروض نحب الدنيا

بس أنا بقيت كارهها كره العما

مش طايقة أي شئ

لما بشوف الناس بتضحك بحاول ارسم ضحكة مش عارفة

حاسة إني من جوايا ميته

لا زعلانة و لا فرحانة

بس ليه اليأس و الاحباط ده مش فاهمة

صحيح الدنيا اسودت و اتقفلت كل الابواب في وشي

و أقرب ما ليا باعوني

بس بجد مش فاهمة

ليه انا محبطة كده

و حتى الامل رافضاه

مش عايزة حاجة من الدنيا

بس كفاية اللي حصلي

أنا حابة أروح عند ربنا

الناس بقت وحشة جدا

يا ساتر

كله بيهمه مصلحته و اللي يفكر يكون كويس بياخد على دماغة

يعني من الاخر مفيش حد مبسوط فيها غير الناس الانانية

انا مش عارفة أعيش

و مش عايزة شئ

عايزة امشي منها قبل ما اتجنن ولا ايماني يضيع

و انا حاسة أني ابتديت اخرف

و مبقتش ملتزمة على الطاعة زي زمان

ولا حتى معصية

لا حصلت أبيض ولا اسود

بقا معنديش رأي في حاجة واقول رأيي ليه

و الكل هيرد يقولي انتى الغلطانة انتى اللى طيبة زيادة عن اللزوم

هو الغلط دلوقتى بقى انك تكون طيب وتحب الناس من قلبك بجد

ولا هية بقت تعمل خيرا شرا تلقى


ليه نديهم حب وهما بايدهم يهدولنا حياتنا واحلامنا ليه يكون همنا هو رضاهم واننا نشوفهم دايما فرحانين وهما بيحبوا يشوفوا دموعنا


بقى استحمل

بس مين يستحمل كده

حرام بقا

انا اكأب انسانة في الدنيا

يا عالم مش عارفة أفرح

اضحك إزاي و انا كل يوم بصحى و بنام على مشاكل

ولو فرحت حبة تجيلي وراها مصيبة و كارثة

و الناس بيلوموني و اعمل ايه يا قلبي

قلبي انكسر مليون مرة

و أتأذيت في كرامتي و اتخانت و اتجرحت و اتبهدلت

كرهت الصوت العالي

مش عايزة اسمع حد بيزعق

كفاية بقا انا تعبت

أقول تاني

مش عايزة منكم حاجة

عايزة أمشي بقا

يا عالم ارحموني

هتعملوا فيا ايه تاني

لسه فيه ناس عايزة تأذيني


طب ليه

بصوا بقا

متقنعونيش إني ممكن اسامح

صحيح العفو و الاحسان مطلوب

يا جماعة بس أنا قلبيي ماااااااااااااااات


أنا عايزة أروح عند ربنا و اشكيله من كل الناس اللي ظلموني

و اخد حقي منهم

حسبي الله ونعم الوكيل

ارجوكم تلحقوني بالحل

عشان انا ابتديت انحرف عن الطريق

بقيت تايهه و ضايعة ومش فاهمة اي حاجة في اي حاجة و عقلي مش عارفة افكر بيه
وقلبي مش حاسس غير بكره كل شئ

وانا تعبانة

تعبانة