اسئله غريبه ومش ليها اجابه

الملك المنتقم كتب:
§ ليه في شارع مراد حاطين يافطه كبيرة مكتوب عليها "ابتسم انت في الجيزة"..، هل الجيزة حاجة تضحَّك؟!

لا بس ده تعبير بالفرحه انك فى منطقهم وده شئ عادى زى نورتنا هل انت لمبه

§
لما تطلب ساندوتش من مطعم وتحب تضيف عليه اى إضافة بيزودوا سعر الساندوتش،
طيب ليه لما بتحب تشيل حاجه من محتويات الساندوتش سعره مابيقلش؟

لان هما حاطين السعر للسندوتش الاصلى الى بيكون من مثلا بطاطس + سلطه مش بطاطس وبعدين يقولك عايز سلطه ولا لا هو ده سعره
الكامل وانت حر عايز زياده عليك عايز نقص لا لان ده سعر ثابت زى الاتوبيس او الميكروباس معادى صقر هو هو 75 قرش نزلت عرب نزلت عرايس هى هى عادى جدا

§ لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟

شئ طبيعى بل بالعكس هفخر انى كابت وعمرى ما هفتكرها انا او غيرى على الكابت ماجد الكرتون ابدا
زى واحد اسمه مصباح او ابراهيم مصباح هل هيستحمل قد ايه عادى جدا ده اسم طبيعى او لقب عادى

§ الأخرس بيكلم نفسه إزاى؟

ان تكلم نفسك ده شئ داخلى يعنى من جواك انت وبس مش مطلوب انك تصدر صوت والا هتبقى مجنون

§ ليه بيقولوا على الشخص اللى نايم بعمق إنه نايم زى البيبيهات؟، مع إن البيبيهات أصلا بيصحوا كل نص ساعة!

لان شكله وهو نايم بعمق بيكون زى الملاك او فى شبه كبير من الاطفال لان نومهم ولو كان قليل بيديلك ايحاء جميل شكلهم حساسس وهادى جدا
ولان الطفل مثال للبرائه والجمال علشان كده ده التشبيه المناسب

§ ليه البنات بتفتح بقها وهيا بتحط (ماسكرا) ؟

يعنى ايه مسكره الاول

§ إزاي لما اسأل عن مقر النادي الأهلي فين، الاقي الإجابة.. النادى الأهلى في الزمالك؟!

وما المشكله اسم منطقه وده طبيعى وكمان ده مش سؤال ملوش اجابه لان هى دى اجابته الزمالك تسلم يا عسل

§
ليه لو واحد قال قدامي كلمة "الأقصر" بتيجي في دماغي على طول صورة
"الآثار"؟! مع إنى لو قال قدامي كلمة "الآثار" مش شرط تيجي في دماغي صورة
"الأقصر"؟!

ده شئ طبيعى لان الاثار هى الى فى الاقصر مش الاقصر الى فى الاثار

§ ليه الناس مابتقولش (الرياضة فايز ومهزوم) غير لمّا تتغلب؟

لانهم وقتها بيحسوا ان زيهم زى غيرهم ومش بيحبوا حد يضحك عليهم

ليه اللي سايق عربية ومشغل الكاسيت أو الراديو.. أول ما يدخل شارع ضلمة يروح موطى الصوت فوراً؟!

علشان الصوت ميصحيش حد نام وكمان الظلمه دايما بيكون فيها كلاب وهتفضل تجرى ورا التاكسى او العربيه

§ ازاى تقدر تعرف المسند بتاع كرسيك فى السينما؟

اقعد على الكرسى واجرب

§ ليه الناس بتقول لأي حد في الشارع "يا باشمهندس"، ما عدا المهندس فعلاً.. بيقولوا له "يا دكتور"؟!

مبيحصلش لانى بقول يا كابتن وده مجرد لقب لا اكثر

§
ليه لمّا الواحد يكون واقف مستنى الأسانسير بعد ما داس على الزرار اللي
بيستدعى الأسانسير وبقى منور وباين إنه منوّر، ييجي واحد تاني بعد ثواني
يبص لك ويبص للزرار المنور ويروح دايس على الزرار تاني؟!

عادى غلاسه لان لو نزل هيحس بفرحه الهبل ان دوسته هى الى نزلته

§ لما تيجي تتصل بواحد.. ليه الأرقام اللي بترد غلط.. ما بتكونش مشغولة؟!

النصيب

§ لمّا الواحد بيعلّى صوت الكاسيت، هل ده بيسحب كهرباء أكتر؟

اكيد لا يا ذكى

§ لو البوليس وهو رايح يقبض على حد شاف فى السكة جريمة بتحصل ، بيمنعها ولاّ بيركز فى المهمة اللى طالع علشانها؟

من الصح ينقسم لنصين واحد ل دى وواحد لدى

§ طيب هل حصل فعلا فى يوم من الايام أن فيه واحد (ضرب عصفورين بحجر)؟

اكيد لا
يابنى كل اسئلتك ليها اجابه وواضحه جدا كمان

§
ليه لما يكون الواحد جوه عربية والعربية داخلة هتعدى من نفق؟؟ تلاقى
الواحد يوطى رأسه كإنه هو شخصياً اللي هيعدى من النفق مش العربية؟!

ده مبيحصلش دايما ولا سعات حتى دى نسبه 5% الى بيحصلهم ده وده نوع من الاحساس بالمكان مش اكتر يعنى موجات لا اراديه من العقل
لمجرد النظر للشى

§
ليه لما باكون في البيت واتصل بالسوبر ماركت (اسمه سوبرماركت ريشه) وأقول
(آلو.. سوبرماركت ريشه؟!) يرد على يقول لي (إن شاء الله)؟! يعني (إن شاء
الله سوبرماركت ريشه؟!) ولاّ (إن شاء الله مش سوبرماركت ريشه؟!).

ان شاء الله بتتقال على الاتنين شئ عادى بس لو مش ريشه هيقولك الرقم غلط يا فندم

§
ليه لما تسأل واحد على العنوان وتقول له "شارع كذا فين؟!" يرد عليك بسؤال
"هما قالوالك فين؟!". طيب ما هما لو كانوا قالوا لي ماكنتش سألتك، ثم هما
مين اللي قالوا لي؟!

الى بعتوك للعنوان يا خفيف
وكمان هو فين يعنى اسم المنطقه مش الشارع يا خفيف

§ ليه الناس في الشارع بتستخدم أدوات نداء
لتوقيف أي شخص، أدوات نداء مالهاش أصل في اللغة و ينفع تنادي بيها على أحد
في المطلق زى. بسست، والنبى يا، ويا كابتن، وباقولك وخُد يا، وأيوه يا،
وليه أدوات النداء دي بتوقف الشخص المقصود بالذات؟!

شئ من عند ربنا بيخلى المحتاج يلاقى الى محتاجه والى محتاجه ده بيقف عادى لانه اكيد الوحيد الى معدى قدامه
وكمان كلنا فينا احساس لو اى حد فينا ماشى وواحد قال يا كابتن كلنا هنبص ده طبيعى

§ ليه لما حد يحب يدي يدى معلومة بيبدأ الجملة بكلمة (بيقولك)، (بيقولك العربيات رخصت وهو مين اللى بيقول؟)!

الجرنال الاخبار المزيع النشره كل وسائل الاعلان

§ ليه فيه ناس لما تعدى عليها وتقول (سلامو عليكوا) ما تسمعش منهم غير صوت بيقول "وع.. س س.. هه"؟!

عادى جدا لانهم مش متعودين يردوا السلام

§ ليه المذيعة دايما بتتمنى لنا وقت ممتع مع الفيلم العربي اللي بيتذاع للمرة الألفين.. وهى عارفة كده كويس؟!

لان قلبها رقيق زى اى بنت وبتتمنى الخير غلط ده يعنى خلاص وقت غير سعيد

§ ليه الشخص اللي يسألك "الساعة كام" لازم يرفع لك دراعه الشمال ويشاور على مكان الساعة بصباعه "لو سمحت الساعة كام

الراجل متعود ان الساعه فى الدراع ده فاكيد المخ بيرسل اشاره توضيحيه وليس اكثر تعود بس

§ اللى مايقدرش يتكلم اخرس، واللى مايقدرش يشوف اعمى، طيب اللى مايقدرش يشم أيه؟

عنده انفلونزه او برد حاد او زكام


§ ليه لما تقول لواحد حاجة ومايسمعهاش كويس تلاقيه هو اللي علاّ صوته فجأة (بتقول ايه؟!).

لا عادى مش دايما بيحصل ده وده طبيعى علشان يعرفك انه مسمعش يعنى على صوتك بالادب يا نوب

§ ليه الكتابة على التي شيرت لازم تكون بالإنجليزي، ليه ماحدش بيكتب على التي شيرت بتاعته بالعربي.. مثلاً "اللي ذاكر ذاكر خلاص".

لا انا شوفت كتابه عربى كتير جدا وكمان الانجليزى اشيك بس

§ اذا كان زيت الذرة معمول من الذرة ، و زيت عباد الشمس معمول من زهرة عباد الشمس، طيب الbaby oil معمول من ايه؟

ال... ايه مش فاهم دى الكلام مش مظبوط

§ لو " رُكب" الإنسان كانوا ورا مش قدام، كانت
الكراسى هيبقى شكلها ايه؟

هرسمها ازاى هنا دى

§ ليه الواحد بيدوس على الريموت كنترول بقوة وعنف لما الحجارة بتشطّب؟

لاحساسه بالغضب انه مش بيقلب

§ التوأم الملتصق لما بيدخل السينما ، بيقطعوا تذكرة واحده ولا تذكرتين؟

لسه محصلتش وعلى كل حال هو جسم واحد يعنى تزكره واحده نوب وبعدين لما تحصل ابقى ورينا

§ لمّا البوليس بيهجم على شقة ويكسّر الباب، مين المسئول إنه يصلّح الباب ده؟

النجار

§ لو واحد مات و رجله متجبسه ،هل بيدفنوه بيها متجبسة ولاّ بيشيلوا الجبس

بيشيلو الجبس لانه بيتغسل يا ذكى

أنت في أوضتك .. على السرير وطافي النور ومتغطي ...
يجى اخوك الظريف ويفتح الباب عليك ويقول : ايه ياده انت هتنام ولا
ايه؟
(( اظن ده مش وضع الخروج !!! واضح ان انا هنام))

اكيد لا لانه سعات بيكون وضح استرخاء وضع تفكير وضع زعل ده انت نوب

أنتم معزومين عند ناس ورحتو لبيتهم وأول ما فتحولكوا الباب يقول
ابنهم الصغير انتوا جيتــواااااااااااااااا

نقولوا ايه ده

(( لا لسه ))


والعكس : أنت لابس هدومك و متأنتك و على سنجه عشره وريحة البارفان

واصله لاخر الشارع.. وخلاص بتفتح باب الشقه,, يجي حد من أهلك
>>وينادي

بصوت عالي : انت خااااارج ولا اييييييييييه


(( !!! لاء دانا لسه راجع ))


أو مثلا راكب العربيه ودورتها وخلاص هتطلع يجيلك

البواب ويخبطلك على الزجاج
أنت بكل ذوق تفتح الزجاج وتقوله : خير في
حاجه؟
يقولك : انت رايح الشغل يابيه ؟

((لا اصل العربيه واحشاني))


ماسك سماعه التلفون وقاعد تضغط الارقام يجي حد من أهلك مثلا
ويقولك
: انت هتتكلم في التليفون ؟

(( لا بتفرج عليه ,, أكيد بتكلم ))


مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد
وقالك :هاه قاعد تذاكر ؟
(( تقوم رامي الكتاب و تقوله لااااااااء ))


ربنا هاديك كده ... ماسك سبحه و عمال تسبح ، يجي حد من البيت
يعدي
عليك ويقول :هوه انت بتسبح
(( لاء هفرطها و أسلقها )

ولا تعالــو شوفو قنواتنا واسئلتهم البديهيه البايخه

برنامج اهداءات يتصل واحد يطلب أغنيه
ترد عليه ست الكوتكوته (المذيعه) بكل خفه ورشاقه : أنتا بتحب
الاغنيّة ديه ولا ايه ؟

>> >>(( لاء طالبها اخنق على نفسي))

>> >> أو مثلا في العيد

المذيع : هههههه نتعرف بيك>> >>
>> >>االمواطن : فلان الفلاني

>> >> المذيع :هههههه بتقول ايه للأهل ههه و صحابك

ههه و قرابيك هههه و للناس اللي انت مخاصمهم كمان ؟

المواطن : أقولهم كل عام وأنتم بخير ..

(( أكيد يعني مش هيقولهم البقاء لله ))

المذيعه الرخمه : وياترى بقى هتعملوا ايه العيد ده هتقضوه ازاي؟؟
اكيد بيبقى زيارات الأهل و الصحاب و تخرجوا تشوفوا مظاهر العيد
فى الشوارع و تفسحوا أولادكم ونتصل بالمعارف نعيد عليهم و نقولهم كل سنه وانتوا طيبين

>(( سبتيله ايه يقوله يارخمه ))


>> >>والأسخف بقى ... الشلل الكبير.. لما المذيعين
يكلموا الاطفال
يقول المذيع للطفل : أنت تحب ماما وبابا !!!


(( يعنى اساسا الواد لسه ما طلعلوش عرق النداله علشان يقول لأ ))

عـابـر سـبـيـل كتب:

الملك المنتقم كتب:
§ ليه في شارع مراد حاطين يافطه كبيرة مكتوب عليها "ابتسم انت في الجيزة"..، هل الجيزة حاجة تضحَّك؟!

لا بس ده تعبير بالفرحه انك فى منطقهم وده شئ عادى زى نورتنا هل انت لمبه

*لمبة ايه يا عم الكشاف
دلوقتي انتا هتبتسم ليه اصلا .. ايه اللي في اليفطة يفرح .. ولو علي نورتنا فدا تعبير لمجرد المجاملة بيتقال لواحد ضيف وكمان انتا اللي اتشرفت بوصوله .. مش هو اللي علشان جالك يبقا اتشرف يا فالح .. ولو كمان علي انها مجاملة يبقا ملهاش لزمة اصلا تتحط

§
لما تطلب ساندوتش من مطعم وتحب تضيف عليه اى إضافة بيزودوا سعر الساندوتش،
طيب ليه لما بتحب تشيل حاجه من محتويات الساندوتش سعره مابيقلش؟

لان هما حاطين السعر للسندوتش الاصلى الى بيكون من مثلا بطاطس + سلطه مش بطاطس وبعدين يقولك عايز سلطه ولا لا هو ده سعره
الكامل وانت حر عايز زياده عليك عايز نقص لا لان ده سعر ثابت زى الاتوبيس او الميكروباس معادى صقر هو هو 75 قرش نزلت عرب نزلت عرايس هى هى عادى جدا

*اولا الاجرة بتاعت الميكروباص دي متحددى عن طريق الدولة انما سعر اي ساندويتش في مصر بيحدده اللي عاملة
ثانيا الساندوتش لوحدو ليه سعر غير الوجبة
ثالثا بقا ودا الاهم لما مثلا بتروح تشتري ساندوتش بطاطس وتطلب من الراجل يقلل مثلا البطاطس علشان اي سبب بيقللها ولما تطلب منه يزودها بيتوصي بيك
الفكرة في الاسلوب والتعامل وان كان اللي ادامك دا شخصية استغلاليه ولا لاء لأن دا اسمه استغلال
اللي بعدو

§ لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟

شئ طبيعى بل بالعكس هفخر انى كابت وعمرى ما هفتكرها انا او غيرى على الكابت ماجد الكرتون ابدا
زى واحد اسمه مصباح او ابراهيم مصباح هل هيستحمل قد ايه عادى جدا ده اسم طبيعى او لقب عادى

*لما يكون اسمه مصباح وابوه اسمه علاء الدين تفتكر انه مش هياخد تريقة بعمرة .. ارحمني ياد من تقكيرك اللي جابلي المرارة دا .. اسم الراجل ماجد وبقا طيار يبقا كابتن ماجد دا مفيش حد هايتريق عليه
منك لله يا بعيد

§ الأخرس بيكلم نفسه إزاى؟

ان تكلم نفسك ده شئ داخلى يعنى من جواك انت وبس مش مطلوب انك تصدر صوت والا هتبقى مجنون

*دي الوحيدة اللي هعديهالك لأنها صح

§ ليه بيقولوا على الشخص اللى نايم بعمق إنه نايم زى البيبيهات؟، مع إن البيبيهات أصلا بيصحوا كل نص ساعة!

لان شكله وهو نايم بعمق بيكون زى الملاك او فى شبه كبير من الاطفال لان نومهم ولو كان قليل بيديلك ايحاء جميل شكلهم حساسس وهادى جدا
ولان الطفل مثال للبرائه والجمال علشان كده ده التشبيه المناسب

*دي كمان هعديها بس مش اوي

§ ليه البنات بتفتح بقها وهيا بتحط (ماسكرا) ؟

يعنى ايه مسكره الاول

* يا محو الامية انتا الماسكرا دي حاجة زي الاي شادو والاي لاينر
من الاخر زي الكحل حاجة بتتحط في العين .. وسيب السؤال دا لواحدة من البنات اللي بتستغملها ترد بلاش تعمل فلحوص

§ إزاي لما اسأل عن مقر النادي الأهلي فين، الاقي الإجابة.. النادى الأهلى في الزمالك؟!

وما المشكله اسم منطقه وده طبيعى وكمان ده مش سؤال ملوش اجابه لان هى دى اجابته الزمالك تسلم يا عسل

*فكرة السؤال يا استاذ ان النادي موجود عند اعز اعدائه .. اذا عاوز ترود صح بقا يبقا اسمها روح رياضيه يا نوب

§
ليه لو واحد قال قدامي كلمة "الأقصر" بتيجي في دماغي على طول صورة
"الآثار"؟! مع إنى لو قال قدامي كلمة "الآثار" مش شرط تيجي في دماغي صورة
"الأقصر"؟!

ده شئ طبيعى لان الاثار هى الى فى الاقصر مش الاقصر الى فى الاثار

* واشمعني الاقصر .. في اسوان في الفيوم في عشرين الف مكان فيه اثار .. ليه مبتجيش الجيزة مثلا في خيالك وقتها
صباحوا برسيم بايت

§ ليه الناس مابتقولش (الرياضة فايز ومهزوم) غير لمّا تتغلب؟

لانهم وقتها بيحسوا ان زيهم زى غيرهم ومش بيحبوا حد يضحك عليهم

* لاء دي طبيعة التكبر اللي جوا البني ادم هي اللي بتخليه يقول كدا.. هو مهزوم ومش طايق حد وعلشان خايف علي اللي اتبقي من كرامته فبيقول انها فايز ومهزوم .. انما لما يكسب بيتنطط علي مخاليق ربنا

ليه اللي سايق عربية ومشغل الكاسيت أو الراديو.. أول ما يدخل شارع ضلمة يروح موطى الصوت فوراً؟!

علشان الصوت ميصحيش حد نام وكمان الظلمه دايما بيكون فيها كلاب وهتفضل تجرى ورا التاكسى او العربيه

* حد نايم ايه يا عم الحنين انتا بس .. الواحد ساعتها بيوطي الراديو او يقفله خالص لأنه بيكون عاوز اعلي مستوي يقدر يوصله من التركيز علشان يقدر يخرج من الازمة اللي هو فيها .. مش علشان مايصحيش حد

§ ازاى تقدر تعرف المسند بتاع كرسيك فى السينما؟

اقعد على الكرسى واجرب

* مين اللي يقعد بالظبط علشان افهم ؟؟
انت ولا انا ؟؟
متحسسنيش انك لما بتقعد في السينما مش بتكوف فاضي للكرسي والفيلم .. مش كل مرة بيكون في فشار يعني

§ ليه الناس بتقول لأي حد في الشارع "يا باشمهندس"، ما عدا المهندس فعلاً.. بيقولوا له "يا دكتور"؟!

مبيحصلش لانى بقول يا كابتن وده مجرد لقب لا اكثر

* اذا انت بتقول يا كابتن ففي غيرك بيقول يا باشمهندس ودا بيحصل كتيييييييييييير اوي

§
ليه لمّا الواحد يكون واقف مستنى الأسانسير بعد ما داس على الزرار اللي
بيستدعى الأسانسير وبقى منور وباين إنه منوّر، ييجي واحد تاني بعد ثواني
يبص لك ويبص للزرار المنور ويروح دايس على الزرار تاني؟!

عادى غلاسه لان لو نزل هيحس بفرحه الهبل ان دوسته هى الى نزلته
* هو الحوار مش في الغلاسة انما هو هبل واستعباط .. هو مثلا لما هايدوس الاسانسير هايتكسف علي دمة ويقول لا الناس مستنياني انزل بسرعه !!

§ لما تيجي تتصل بواحد.. ليه الأرقام اللي بترد غلط.. ما بتكونش مشغولة؟!

النصيب

* وهو النصيب كل مرة ؟؟ .. ولا لأنك مبتعرفش ان الرقم غلط غير لما حد يرد عليك ؟؟ .. هو لو جالك مشغول يا فالح هتعرف منين ان الرقم غلط اصلا ؟؟

§ لمّا الواحد بيعلّى صوت الكاسيت، هل ده بيسحب كهرباء أكتر؟

اكيد لا يا ذكى

*لا هو اكيد اه .. لأن الي بيتحكم في مستوي الصوت هو عبارة عن مكثف علي حسب ما انتا عاوز الصوت بيقل او يعلي مستوي خروج التيار معتمد علي مقاومة بعد التيار ودي بتكون متغيرة القيمة بتغير بالريموت
متلعبش في الكهربا معايا .. دا انا كهربا والحج كهربا .. عيب

§ لو البوليس وهو رايح يقبض على حد شاف فى السكة جريمة بتحصل ، بيمنعها ولاّ بيركز فى المهمة اللى طالع علشانها؟

من الصح ينقسم لنصين واحد ل دى وواحد لدى

* لاء طبعا لأن هو بيكون واخد قوة يادوب علي اد المهمة اللي طالع فيها لما يبعت النص هنا والنص هنا يبقا الاتنين متوقع ليهم الفشل يا ذكي .. انما لو وقف وخلص اللي في الطريق يبقا التانية هتضيع منه لأنه هايكون فات وقت والناس هربت .. اسلم حل انه بيتصل بقيادة العمليات وبيقول في كذا في المكان الفلاني ابعتوا قوة تتصرف وهو يكمل طريقة عادي

§ طيب هل حصل فعلا فى يوم من الايام أن فيه واحد (ضرب عصفورين بحجر)؟

اكيد لا
يابنى كل اسئلتك ليها اجابه وواضحه جدا كمان

* مين قالك كدا يا ذكي ؟؟ .. الامثلة دي عبارة عن تجارب ناس عاشت وغلطت وبيتنقل لينا احنا دلوقتي الكلام دا في شكل مثل او حكمة علشان العقل يتقبلها بشكل احسن واسرع
واكيد في حد عملها .. دا في الكورة حتي في ناس لما بتشوط الكورة بتيجي في عرضتين وتطلع او تدخل .. تقتكر دا ايه .. ودا مثال واقعي

§
ليه لما يكون الواحد جوه عربية والعربية داخلة هتعدى من نفق؟؟ تلاقى
الواحد يوطى رأسه كإنه هو شخصياً اللي هيعدى من النفق مش العربية؟!

ده مبيحصلش دايما ولا سعات حتى دى نسبه 5% الى بيحصلهم ده وده نوع من الاحساس بالمكان مش اكتر يعنى موجات لا اراديه من العقل
لمجرد النظر للشى

* هو الحوار مش 5 ولا 10 في الميه .. المهم انه بيحصل .. ودا بيكون ناتج عن التركيز الشديد في الطريق والاندماج معاه .. وهي بتكون فعلا لا ارادية

§
ليه لما باكون في البيت واتصل بالسوبر ماركت (اسمه سوبرماركت ريشه) وأقول
(آلو.. سوبرماركت ريشه؟!) يرد على يقول لي (إن شاء الله)؟! يعني (إن شاء
الله سوبرماركت ريشه؟!) ولاّ (إن شاء الله مش سوبرماركت ريشه؟!).

ان شاء الله بتتقال على الاتنين شئ عادى بس لو مش ريشه هيقولك الرقم غلط يا فندم

* الفكرة في الكلمة يا حج .. متقول اه وتنجز او تقول لاء .. ايه الحكمة في ان شاء الله ؟؟ .. هو المحل لسا هايتبني مثلا

§
ليه لما تسأل واحد على العنوان وتقول له "شارع كذا فين؟!" يرد عليك بسؤال
"هما قالوالك فين؟!". طيب ما هما لو كانوا قالوا لي ماكنتش سألتك، ثم هما
مين اللي قالوا لي؟!

الى بعتوك للعنوان يا خفيف
وكمان هو فين يعنى اسم المنطقه مش الشارع يا خفيف

* الله ياخدك يا شيخ .. ايه يا واد البلاوي اللي بتقولها دي .. يعني واحد تايه ومش عارف يمشي منين وبيسألك فين كذا تقوله هما قالولك فين ؟؟ .. مانتا لو مش عارف تقول مش عارف ولا لازم دار الافتا تشوف شغلها معاك .. وبعدين مهو لو اللي بعتوني للعنوان قالولوي هو فين منا ابسط حل اني هركب مواصلة لغاية هناك مش هاجي اسأل حضرتك

ارحمني

§ ليه الناس في الشارع بتستخدم أدوات نداء
لتوقيف أي شخص، أدوات نداء مالهاش أصل في اللغة و ينفع تنادي بيها على أحد
في المطلق زى. بسست، والنبى يا، ويا كابتن، وباقولك وخُد يا، وأيوه يا،
وليه أدوات النداء دي بتوقف الشخص المقصود بالذات؟!

شئ من عند ربنا بيخلى المحتاج يلاقى الى محتاجه والى محتاجه ده بيقف عادى لانه اكيد الوحيد الى معدى قدامه
وكمان كلنا فينا احساس لو اى حد فينا ماشى وواحد قال يا كابتن كلنا هنبص ده طبيعى

* لاء لأننا شعب طيب وبيحب يخدم وعنده قدرة كبيرة اوي علي الافتا كمان فأي حد بينادي انتا بترود عليه حتي لو مش بيناديك انتا شخصيا .. وممكن بعد لما يخلص كلام معاك يروح يسأل اللي واقف بعدك بهتوطين علشان مش واثق فيك وعاوز يتأكد

§ ليه لما حد يحب يدي يدى معلومة بيبدأ الجملة بكلمة (بيقولك)، (بيقولك العربيات رخصت وهو مين اللى بيقول؟)!

الجرنال الاخبار المزيع النشره كل وسائل الاعلان

* ايوه الفكرة في انك مش بتقول مصدر الخبر .. ليه بقا يا ذكي ؟؟

§ ليه فيه ناس لما تعدى عليها وتقول (سلامو عليكوا) ما تسمعش منهم غير صوت بيقول "وع.. س س.. هه"؟!

عادى جدا لانهم مش متعودين يردوا السلام

في حاجة اسمها مش متعودين يردوا السلام ؟؟ .. دا انا حتي لو بعدي علي مسيحي ورميت عليه السلام بيرد عليا
فكر تاني

§ ليه المذيعة دايما بتتمنى لنا وقت ممتع مع الفيلم العربي اللي بيتذاع للمرة الألفين.. وهى عارفة كده كويس؟!

لان قلبها رقيق زى اى بنت وبتتمنى الخير غلط ده يعنى خلاص وقت غير سعيد

* قلبها رقيق .. والله ياد انا تعبت منك

§ ليه الشخص اللي يسألك "الساعة كام" لازم يرفع لك دراعه الشمال ويشاور على مكان الساعة بصباعه "لو سمحت الساعة كام

الراجل متعود ان الساعه فى الدراع ده فاكيد المخ بيرسل اشاره توضيحيه وليس اكثر تعود بس

*يا عم الحج بقولك هو بيعمل كدا ليه اصلا للراجل .. مالك وماله .. مش لما يبقا يقولك تقصد ايه بسؤال تبقا توضحله ولا بتتبرع بالتوضيح من غير ما يتطلب منك

§ اللى مايقدرش يتكلم اخرس، واللى مايقدرش يشوف اعمى، طيب اللى مايقدرش يشم أيه؟

عنده انفلونزه او برد حاد او زكام

* كل دي امراض .. هل الخرس دا مرض ؟ .. ولا ممكن يكون ناتج عن مرض ؟ تفرق
الخرس دا العاهة نفسها زيها زي العمي .. اسم العاهة بتاعت عدم الشم ايه بقا ؟؟
هو دا السؤال

§ ليه لما تقول لواحد حاجة ومايسمعهاش كويس تلاقيه هو اللي علاّ صوته فجأة (بتقول ايه؟!).

لا عادى مش دايما بيحصل ده وده طبيعى علشان يعرفك انه مسمعش يعنى على صوتك بالادب يا نوب

* علي صوتك ايه بس يا عم انتا .. دلوقتي هو مسمعنيش يقوم هو اللي يزعق !! .. ما يقول مش سامع او علي صوتك شوية وكلها بردو عبارات كلها ادب مفيهاش قلة ادب ولا حاجة
فكر تاني يا فالح

§ ليه الكتابة على التي شيرت لازم تكون بالإنجليزي، ليه ماحدش بيكتب على التي شيرت بتاعته بالعربي.. مثلاً "اللي ذاكر ذاكر خلاص".

لا انا شوفت كتابه عربى كتير جدا وكمان الانجليزى اشيك بس

* مش فكرة اشيك يا عمنا .. الفكرة ان الماكنة اصلا بتاعت الكتابة بتكون مستورده وزود علي كدا كمان ان الرسومات بتاع الطباعة بتكون جاية معاها من برا
دا غير ان اصلا احنا عندنا عقدة الخواجة وبنحب نقلدهم في كل حاجة بيعملوها او بيقولوها او بيلبسوها

§ اذا كان زيت الذرة معمول من الذرة ، و زيت عباد الشمس معمول من زهرة عباد الشمس، طيب الbaby oil معمول من ايه؟

ال... ايه مش فاهم دى الكلام مش مظبوط

* زيت الاطفال معمول من ايه ؟ لو كل زيت معمول من الحاجة اللي في اسمه ؟؟ ولو لأنه معمول من حاجات كتير ليه متسماش بأسم حاجة منهم او بأسم معمول من كل اسمائهم

§ لو " رُكب" الإنسان كانوا ورا مش قدام، كانت
الكراسى هيبقى شكلها ايه؟

هرسمها ازاى هنا دى

* ترسم ايه ترسم ايه ارحمني يا عم انتا .. لو قفلت معاك اوي ارسمها علي ورقة وصورها بالموبايل ونزلها علي الكمبيوتر ونزلها هنا .. او انجز وارسمها في الفوتو شوب او الرسام وارفعها هنا .. دا غير اني مطلبتش الرسمة اصلا انا طلبت الفكرة

§ ليه الواحد بيدوس على الريموت كنترول بقوة وعنف لما الحجارة بتشطّب؟

لاحساسه بالغضب انه مش بيقلب

* يعني هو لما هايغضب الحجارة هتترعب وتقوله حاضر هقلب

§ التوأم الملتصق لما بيدخل السينما ، بيقطعوا تذكرة واحده ولا تذكرتين؟

لسه محصلتش وعلى كل حال هو جسم واحد يعنى تزكره واحده نوب وبعدين لما تحصل ابقى ورينا

* تزكرة ازاي ؟؟ هما هايقعدوا سوا في كرسي واحد من بتوع السينما ؟؟ متفكر شوية بقا وترحمني شكلك بتجاوب وانتا نايم

§ لمّا البوليس بيهجم على شقة ويكسّر الباب، مين المسئول إنه يصلّح الباب ده؟

النجار

* امال السباك يعني اللي هايصلحة .. منا عارف انه الهباب النجار المهم علي حساب مين ؟؟

§ لو واحد مات و رجله متجبسه ،هل بيدفنوه بيها متجبسة ولاّ بيشيلوا الجبس

بيشيلو الجبس لانه بيتغسل يا ذكى

* هعدي دي كمان

أنت في أوضتك .. على السرير وطافي النور ومتغطي ...
يجى اخوك الظريف ويفتح الباب عليك ويقول : ايه ياده انت هتنام ولا
ايه؟
(( اظن ده مش وضع الخروج !!! واضح ان انا هنام))

اكيد لا لانه سعات بيكون وضح استرخاء وضع تفكير وضع زعل ده انت نوب

* يعني وهو اي وضع من دول بيكون الواحد طايق حد يقاطعه فيهم يعني علشان الباشا يقوم داخل وفاتح النور ويقعد يسأل فيك


أنتم معزومين عند ناس ورحتو لبيتهم وأول ما فتحولكوا الباب يقول
ابنهم الصغير انتوا جيتــواااااااااااااااا

نقولوا ايه ده

(( لا لسه ))


والعكس : أنت لابس هدومك و متأنتك و على سنجه عشره وريحة البارفان

واصله لاخر الشارع.. وخلاص بتفتح باب الشقه,, يجي حد من أهلك
>>وينادي

بصوت عالي : انت خااااارج ولا اييييييييييه


(( !!! لاء دانا لسه راجع ))


أو مثلا راكب العربيه ودورتها وخلاص هتطلع يجيلك

البواب ويخبطلك على الزجاج
أنت بكل ذوق تفتح الزجاج وتقوله : خير في
حاجه؟
يقولك : انت رايح الشغل يابيه ؟

((لا اصل العربيه واحشاني))


ماسك سماعه التلفون وقاعد تضغط الارقام يجي حد من أهلك مثلا
ويقولك
: انت هتتكلم في التليفون ؟

(( لا بتفرج عليه ,, أكيد بتكلم ))


مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد
وقالك :هاه قاعد تذاكر ؟
(( تقوم رامي الكتاب و تقوله لااااااااء ))


ربنا هاديك كده ... ماسك سبحه و عمال تسبح ، يجي حد من البيت
يعدي
عليك ويقول :هوه انت بتسبح
(( لاء هفرطها و أسلقها )

ولا تعالــو شوفو قنواتنا واسئلتهم البديهيه البايخه

برنامج اهداءات يتصل واحد يطلب أغنيه
ترد عليه ست الكوتكوته (المذيعه) بكل خفه ورشاقه : أنتا بتحب
الاغنيّة ديه ولا ايه ؟

>> >>(( لاء طالبها اخنق على نفسي))

>> >> أو مثلا في العيد

المذيع : هههههه نتعرف بيك>> >>
>> >>االمواطن : فلان الفلاني

>> >> المذيع :هههههه بتقول ايه للأهل ههه و صحابك

ههه و قرابيك هههه و للناس اللي انت مخاصمهم كمان ؟

المواطن : أقولهم كل عام وأنتم بخير ..

(( أكيد يعني مش هيقولهم البقاء لله ))

المذيعه الرخمه : وياترى بقى هتعملوا ايه العيد ده هتقضوه ازاي؟؟
اكيد بيبقى زيارات الأهل و الصحاب و تخرجوا تشوفوا مظاهر العيد
فى الشوارع و تفسحوا أولادكم ونتصل بالمعارف نعيد عليهم و نقولهم كل سنه وانتوا طيبين

>(( سبتيله ايه يقوله يارخمه ))


>> >>والأسخف بقى ... الشلل الكبير.. لما المذيعين
يكلموا الاطفال
يقول المذيع للطفل : أنت تحب ماما وبابا !!!


(( يعنى اساسا الواد لسه ما طلعلوش عرق النداله علشان يقول لأ ))

مش قلتلك نــــــــــــــــــوب بس كبير شويه

لما تلاقى اسئله مينفعش يترد عليها حطهالى

كيم

ايمى كتب:شوفت يامنتقم كيم لقالهاحل ازاى
يلاهات اسئله تانى