دكاتره اليوم

الأحد 27 سبتمبر 2009, 9:39 pm

دكاتره اليوم
انا بس حبيت اقول المعلومات دى ....ده بس عشان الواحد برضه..يبقى فاهم الدكتور قاصد ايه
دى بس بعض العينات
لما الدكتور يقول:الموضوع ده مايستناش ولازم نتصرف فيه فورًا
يبقى قصده : لازم نلحق نعمل عليك شغل ..لان لو استنينا هايخف لوحده
وتضيع علينا الفرصه
لما الدكتور يقول: ايه تاريخك المرضى؟!!
يبقى قصده : عايز اعرف اسامى الدكاتره اللى انت بتتعامل معاهم عشان اعرف انت دفيع
ولا مأشفط

لما الدكتور يقول:استعمل الدواء ده وعدى عليا بعد بكره
يبقى قصده :الدواء ده لا ينفع ولا يضر ....بس بعد يومين اكون سألت حد بيفهم!!

لما الدكتور يقول:اشوفك بعد عشره ايام
يبقى قصــــــــده:عشان تدفع كشف جديد ..لان الاستشاره فى خلال اسبوع واحد فقط من
الكشف ...انت ما قرأتش اليافطه اللى بره ولا ايه؟؟

لما الدكتور يقول:فيه عندى خبر وحش وخبر كويس ..عندك مرض خطير بس لو ماضيعناش
وقت ممكن نعالجه
يبقى قصده : الخبر الحلو انى هاشترى عربيه جديده ..والخبر الوحش انك انت اللى هاتدفع الفلوس

لما الدكتور يقول:احنا ها نتابع تطورات الحاله دى كمان اسبوع ..قبل ما نتخذ اى اجراء
يبقى قصده: الصبر طيب ..يمكن البلوه دى تتحول لحاجه نعرف لها علاج

لما الدكتور يقول:انت محتاج تعمل شويه تحاليل
يبقى قصده : من الاخر انا مش عارف حاجه وشكلك هاتفضحنى ..روح للواد بتاع التحاليل
يمكن ينورنى

لما الدكتور يقول:اعمل التحاليل فى المعمل ده انا با أثق فى نتا ئجهم
يبقى قصده : 40% عموله من كل مريض يجى من طرفى ...يا بلاش!!

لما الدكتور يقول: انا هاحولك على اخصائى عشان نتأكد ..برضه الصحه غاليه
يبقى قصده : الاخصائى مزنوق فى قرشين .....وواجب برضه تنفعه

لما الدكتور يقول:انا ها وصفلك دواء جديد ممتاز بإذن الله هيجيب نتيجه
يبقى قصده : اما أجرب الدواء ده.. اصل انا محتاج حالات اعمل عليها البحث بتاعى عشان الترقيه

لما الدكتور يقول:المضاد الحيوي ده ممتاز جدًا معلش هوه غالى شويه صغيرين..سيبك من البديل
الرخيص بتاع زمان معدش ينفع
يبقى قصده : مندوب المبيعات لسه خارج من عندى وعطينى شنطه جلد تجنن!!!
ولما ما يلا قيش اى امل يقول:معقول ...... مش بطال ...
يبقى قصده: يادى النيله ...اما ل هاجيب مصاريف رحله اسكندريه من اين؟؟!

وما خفى كان اعظم........................

ده طبعا مش كل الدكاتره