طاطي رأسك طاطي طــــاطي --- أنت ف وطن ديمقراطـــــــي

الإثنين 28 سبتمبر 2009, 3:28 pm

آخر ما كتبه الشاعر المصري أحمد فؤاد نجم

طاطي رأسك طاطي طــــاطي --- أنت ف وطن ديمقراطـــــــي

أنت بتنـــعــــم بالحــــــــــرية --- بس بشرط تكون مطاطــــــي

لما تكون شغــال بذمــــــــــة --- خايف على مصــلحة الأمــة

شغلك يطلع من غير لازمــة --- علشان مبيعلاش غير واطي

طاطي راسك طاطي طاطـــي --- أنت ف وطن ديمـــــقراطي

لما حاميها يكون حراميــها --- وبلاده ورا ضهره رامـيـها

طالع نازل واكل فيـــــــــها --- مسنود بالبدلة الظباطــــي

طاطي راسك طاطي طاطـــي --- أنت ف وطن ديمـــــقراطي

لما شــقاك يصــبح مش ليك --- فقرك سد السكة علــــــــــيك

تتلفّت تلــــقى حـــوالـــــــيك --- إما حرامي و إما عقــــاطي

طاطي راسك طاطي طاطــــي--- أنت ف وطن ديمقراطـــــــي

لماتلاقي بـــــلاد الـدنـيـــــــا --- فيها البني آدم حــــاجة تانية

وأنت في الطبقات الـــــــدنيا --- قرد مسلسل أو وطواطــــي

طاطي راسك طاطي طاطـــي --- أنت ف وطن ديمقراطــــــي

لما الجهلة يبــــــقوا أمــامــك --- أو فوقك ماسكــين ف زمامك

ويسوقك ع الهــلكة إمامك --- تشرب م السم السقـــــراطي

طاطي راسك طاطــــي طاطي --- أنت ف وطن ديمقـــــــراطي

لمــــا الكلـــمة تكون بتدينـك --- لما تخبي ف قلـــــــبك دينــك

لما الذل أشوفه ف عيـــــــنك --- هات إحباطك على إحباطــــي

طاطي راسك طاطي طاطـــي --- أنت ف وطن ديمقراطــــــي

أنت ف وطن ديمقراطـــــــي

تحياتى

الثلاثاء 29 سبتمبر 2009, 1:10 am

ههههههههههههههه

لازم نطاطى فعلا

علشان احنا شعب واطى

قصدى لازم نطاطى ههههههههههه

تسلمى يا عسل

الثلاثاء 29 سبتمبر 2009, 3:05 am

فعلا الكلام دا الواقع فعلا
كتييييييييييييييييير اوى ما بيحصل كل دا
تسلم ايدك
ويسلم احمد فؤاد نجم
طاطي رأسك طاطي طــــاطي --- أنت ف وطن ديمقراطـــــــي D0d703e6f84285