تامر حسني أكثر فنان مكروه شعبيا في العالم العربي

الجمعة 11 ديسمبر 2009, 5:06 pm

نتقلت الحرب
الغنائية بين جمهور النجوم إلى ساحة الفيس بوك حيث تفنن "الالتراس"
الغنائي في ابتكار كل ما هو جديد من أجل التعبير عن حبهم لنجمهم والدفاع
عنه والرد بقسوة علي منتقديه ومنافسيه .

الموضة الجديدة التي انتشرت على نطاق واسع هي جروبات " الكارهون " والتي
أصبحت مرادفاً لجروبات النجوم فنجد جروب باسم " محبو النجم فلان " وآخر
بعنوان " كارهو فلان " وسرعان ما تنتشر تلك المجموعات على نطاق واسع وخاصة
إذا كانت المنافسة حامية الوطيس بين النجوم حيث يحرص أصحاب تلك المجموعات
إلى إبراز فكرة الجروب والسبب الذي دفعهم للاجتماع علي كراهية هذا النجم
وتقديم بعض الأسباب والمبررات سواء من خلال تصريحات صحفية له أو مقاطع
صوتية أو فيديوهات ويقومون بتركيب صوره على صور أخرى مسيئة وتكون النتيجة
أن يرد محبو هذا النجم بجروب آخر يواجهون به الإساءة ويدافعون عن نجمهم .

ولكن ما هي أبرز جروبات " الكارهين " علي الفيس بوك ؟

كارهو تامر حسني

الأكثر انتشاراً على الانترنت ويبلغ عدد أعضاؤها 60 ألف أغلبهم من عشاق
عمرو دياب الذين استفزهم مقارنة تامر حسني الدائمة بنجمهم، ويرونها مقارنة
لا محل لها من الإعراب وقد رفعت المجموعة شعار " احنا اللي هنقعد تامر في
البيت " وتهاجم تلك المجموعة تامر حسني بضراوة ويحرصون على تذكيره دائماً
بواقعة التزوير للهروب من التجنيد والتي دخل تامر السجن بسببها بالإضافة
إلى إبراز الاتهامات والتصريحات الساخنة التي يتم إطلاقها تجاه تامر من
قبل النجوم الآخرين واتهامه بتأجير فتيات كي يمثلن تعرضهن للإغماء في
حفلاته.

تامر
حسني شعر بضراوة الهجوم الشرس الذي يتعرض له خاصة بعد أن اتحدت عدد من
الجروبات ضده وأبرزها جروبات عمرو دياب التي لا تحصى مع جروبات محبي شيرين
وعمرو مصطفي وحماقي والتي اجتمعت جميعاً على كراهية تامر حسني، الأمر الذي
دفع الأخير إلى اتهام منتقديه ومهاجميه بأنهم مرضي نفسيين مما استفزهم
بشدة و واصلوا هجومهم الشديد تجاهه.

كارهو عمرو دياب
وهي
المجموعة المضادة التي ردت بها رابطة عشاق تامر حسني على رابطة عشاق عمرو
دياب، حيث هاجموا بضراوة عمرو وطالبوا في عيد ميلاده مؤخراً باعتزاله
الفن، مؤكدين أن المستقبل لا يحمل سوى اسم نجم واحد هو تامر حسني الذي نجح
في أن يعتلي القمة في سنوات قليلة، وحمل الجروب إساءات بالغة لعمرو دياب
وصور ملفقة للنيل من شعبية دياب إلا أن الجروب لم يكتب له الحياة طويلا
فسرعان ما تم تعطيله من قبل محبي دياب رغم محاولات عشاق تامر إحيائه من
جديد .

كارهو شيرين
صممه
محبي وعشاق تامر حسني رداً على التصريحات التي أدلت بها شيرين لإحدى
الإذاعات التونسية وهاجمت فيها تامر بضراوة واتهمته بتأجير الفتيات في
حفلاته وأطلقت عليه وصف " تامر جاكسون" وتضمن الجروب فيديوهات قديمة
لشيرين في طفولتها وبداياتها تتضمن قدراً من السخرية لها بل تم وضع
التليفون الخاص بشيرين على الجروب وهو الأمر الذي استفز شيرين فوصفت رابطة
تامر حسني بالعصابة التي يقودها تامر في الوقت الذي لم يقتصر الأمر على
الإساءة فحسب بل طالب الجروب بمقاطعة ألبوم شيرين حتي تعتذر لتامر .

كارهو راغب علامة
تم
إنشاء المجموعة عقب الخلاف الحاد الذي وقع بين النجمين فضل شاكر وراغب
علامة حيث هاجم محبو وعشاق شاكر الفنان راغب علامة بضراوة وعرضوا مواقف له
سابقة وخلافات حادة كان علامة أحد أطرافها وطالبوه بالتوقف عن مهاجمة شاكر.

الجمعة 11 ديسمبر 2009, 8:24 pm

بصراحه انا انضم لجروب كارهون تامر حسنى كان فنان وليس كا شخص

للاسف فعلا مش بحبه وكمان انا عضو من الجروب ده واقدر اقول انى من العشره الاولى فى الجروب كمان

من زمان ممكن يكون كا انسان كويس بس كا فنان مش عارف بس مش بحبه

ويكرهك فيه اكتر حب البنات بس ليه اشمعنى البنات الله اعلم

لكن بعتبره نوب

ربنا يوفقه

تسلمى يا بوس بوس

الجمعة 11 ديسمبر 2009, 8:26 pm

لااله الا الله
مش عارفه انا ايه الغيره والحقد ده كله على تامر
وربنا يابنتي هيفضلو يهرو ويقطعوا في نفسهم كده لحد مايموتو اللي مابيحبوش تامر حسني دول اذا كانو جماهير ولا حتى فنانين بيحقدو على تامر
اكمنو هو بس احسن منهم كلهم وقدر على رايهم في سنوات قليله يجمع عدد كبير من جمهوره ومحبيه
عمرو دياب ايه اللي بقى عنده 100 سنه اد جدي يقارنوه بتامر حسني
طبعا عمرو حاجه وتامر حاجه تانيه خالص تامر ليه جمهوره وعمرو ليه جمهوره ماخدنهوش منه يبقى لازمته ايه الحقد ده
اه عمرو دياب اغانيه والبوماته كلها حلوه بس طبعا تامر حاجه تانيه لانه طالع في الجيل ده يعني يتبع للجيل الجديد ليه جمهوره الخاص بيه
لاكن عمرو دياب بنسبالنا دلؤتي زي مايكون من ايام ام كلثوم عشان كبير اوي
مش زي تامر يعني
وفي الاخر التنين جامدين وليهم جماهريهم ومالهاش لازمه الغيره دي والحقد ده

وتسلم ايدك اوي يابوسي على الموضوع ده
ومعلش بقى انفعلت اوي مع الموضوع وطولت عليكو

الجمعة 11 ديسمبر 2009, 8:31 pm

لا لا ايه الى بتقوليه ده يا بنتى

كلامك غريب جدااااااااااااااااا

اه انا مش بحب تامر بس قلت عادى برده

لكن انتى ايه ده تامر فعلا فنان بيقلد كتير وده مش كلام ده فعل

ومعلش يعنى الاتنين بشر التوفيق من لله للاتنين بس الحب الزياده

ده سورى مكنش لرسول يعنى ده مجرد بشر زينا ومش غيره الكلام

مش من فراغ ده من افعال

يمكن ده اتشهر بسرعه بس احب اقولك

انه مغرور جدا وبشكل غبى وبشع

الى بيشوف تامر فى برامج وتليفزيون بيفرح اوى

تامر انا اعرفه حقيقى وشوفته فى 3 افلاح

واتكلمت معاه ومتصور معاه وكنت بحبه زى باقى الناس وبحب عمرو

عمرو مغرور وكبرياء ماشى تامى زيه بالظبط

بس فى كل ده احنا نحب نشجع مش اكتر

الدفاع الزياده ده مش حلو صدقينى ده مجرد بشر زينا

السبت 12 ديسمبر 2009, 1:23 am

تسلمى يا بوسى على الموضوعات الجامده دى
والصراحه يا جماع انا مع ان كل واحد ممكن يحب مطرب معين
بس مش بتعصب للمطرب دا او لغيره
لا تعصبنا دا مش هيكسبنا لكن ممكن يخسرنا
ويخسرنا حاجات غاليه
تامر حسني أكثر فنان مكروه شعبيا في العالم العربي 2luosg6

تامر حسني أكثر فنان مكروه شعبيا في العالم العربي 2luosg6

الأحد 13 ديسمبر 2009, 4:44 pm

تسلمى يا جميل

الأحد 13 ديسمبر 2009, 6:55 pm

انا مع كيم فى كل كلمه بيقولها
لان تامر مجرد بشر زينا يبقه ليه نتعصبلو اوى كده فيه ايه زياده عن اى انسان تانى
وانا مش بقول الكلام ده علشان انا مبحبوش لا انا بقولو لان تامر فعلا مغرور و ميستهلش الشهره دى كلها
وهو خد اكتر من حقه
وتسلمو يا جماعه على مروركم
وعجبنى ان احنا بنتكلم وبندى رئينا فى موضوع