البنات فعلا مظلومة

الإثنين 14 يوليو 2008, 12:10 pm

من اميلى

السلام عليكم

الموضوع مش ساهل يا جماعة

أنــــا نفسى الدنيا كلها تشوف اللى حقوله
وكل واحد حيشوفه انا حبقى فى قمة سعادتى
لعل وعسى حد يقتنع

البنات فعلا مظلومة .. مش كده ؟

ها إيه رأيكم !! معترضين صح ؟
كلامى مش عاجب طبعا .. طيب ما تسمعونى شوية .. ياريت

البنت فى مجتمعنا هيا الروح الوحيدة اللى دايما مظلومة
من أيام الجاهلية وهيا مظلومة
ولحد دلوقتى أهوه وبعد ما فات عقوووووود على الجاهلية
لسه فى فئة كبيررة أوى من الناس مزروعة الجاهلية فى قلوبهم
زمان كانو بيدفنوا البنات أحياء علشان قال ايه بيجيبوا العار
طيب ودلوقتى بعد ما أنتهت الجاهلية من زماااان حيعملوا ايه فى البنت ؟؟؟

البنت مظلومة يا ناس من يوم ما بتتولد
لو الأم وضعت ولد
الفرحة تملى الصدور والدنيا كلها
ولو بنت تبقى أفراح كدابة
وحزن مالى الصدور
طب ليه ؟؟؟
ليه كده
ده حتى البنت ساعات بتنفع عن الولد
بلاش دى
يا ناس دى البنت روووووووح ربنا خلقها
ليه نعترض على حكمته
عموما نسيبنا من التفرقة المميتة دى

أنا عاوز أتكلم عن نقط اهم
بسببها كتبت الموضوع

ليه لما البنت تغلط أى غلطه بتفضل تتعاقب عليها طول حياتها ؟؟؟؟؟؟
لو غلطت تبقى وحشة وفيها وفيها مع إننا كلنا بنغلط وفينا وفينا
بس أحنا الشباب بنتعاقب على اخطائنا شكليا
إنما البنت يا عينى عليها ... شوفوا الجزء اللى جاى ده

حجيبلكم الموضوع من أصعب الطرق علشان تقتنعوا

مثلا
تخيلونى كده .. قاعد مع بنت على الكورنيش
ماسك إيدها وبالتانيه باكل جيلاتى
أوبااااااااااا إيه ده
أمى ظبطتنى يالهووووووى

ماما
ايوة ماما يا جميل
مين الحلوة ؟؟
دى
دى حبيبتى يا ماما
يا عيون ماما
كبرت وبقيت تحب يا منيل
هههههههههههه
حصلنى عالبيت
حاضر يا ماما

ولما أروح
شوفت يا راجل
إبنك بقى جدع يملى العين
قاعدلى يا اخويا مع البنت وبياكلى جيلاتى
وقال ايه ماسكلى إيدها
هههههههههههههههههههههه
وطبعا عارفين الباقى
يستمر الموقف هزار وضحك وأحلى كلام
يا سلام ده الشباب عايشة 100%

تعالو كده بقى تخيلوا

نفس الموقف بالظبط هوه هوه
بس أم البنت اللى معايا هيا اللى جت
يالهووى يا ليلة أمك سودة ومنيلة
وعارفين الباقى كويس طبعا ...

أتفرجوا بقى لما الموقف يبقى أنتهى من شهر ولا أتنين

تيجى البنت وبكل برائة

ماما أنا خارجة اتمشى مع صاحبتى نفسى أفك عن نفسى شوية

لا مفيش خروج
نسيتى لما ظبطتك مع الواد على الكورنيش
تسد نفس البنت يا عينى
يا ماما دى غلطه وكلنا بنغلط ولازم ننسى
لا يا روح ماما مش حنسى

طيب يا ستى نسيتى للولد ليـــــــــــــــــــــــــــــه ؟؟؟؟؟؟؟؟؟؟

وتفضل تعاقب البنت فى كل موقف على غلطتها
لحد ما تقتلها بالراحة وتعيشها دايما فى ظلم

تفضل البنت متحملة جواها وفى النهاية
خلاص حتنفجر .. حتفرقع يا ناس
فى ظلم أكتر من كده

طيب تاخدوا مثــال تانى

حد يقدر يقولى ليه معظم البنات مش واخدين
حقوقهم حتى فى بيتهم ووسط اهلهم
رأيها مبيتعملش بيه إلا فى حالات نادرة
مع انها ممكن تكون أفقه بمرااااااااااااااحل من أخوها الأفندى
دى غير حق الولد فى البيت من كل النواحى
اللى بيتعدى حق البنت بكتيرررر جدااااااااا
حق الولد من تنفيذ لرغباته
لفرضه سيطرة وهمية على البنت بدون
ما هوه يكون عاقل أصلا وبموافقه الأهل كمان
حق الولد من التنزه والترفيه والتلاقى بالجميع
بدون أى موانع أسرية
طيب والبنت يا نااااااااااااااااس ؟؟
هيا مش بنى أدمه ولا جاية من كوكب تاااااااانى ...!!!!

حد يقنعنى طيب ويقول إنى كداااب
حد أقتنع بكلامى ولا انا بكلم نفسى ؟؟؟؟

ريحونـــى الله يخليكم

الإثنين 14 يوليو 2008, 3:56 pm

موضوع حلو اوى يا امير بس خلاص البنات خدت على كدة بس دة ميمنعش ان فى اسر كويسة

وفى اسر بتدفع بناتها للغلط وفى بنات بتحب الغلط بس لو كل واحد عمل اللى عليه وخد بالة من

تصرفاتة مش هيكون فى عقاب وكمان لو مفيش تفرقة بين الاولاد هتكون الحياة بمبى

ميررسى يا امير على كل حالربنا يخليك يا نصفنا

الإثنين 14 يوليو 2008, 4:13 pm

enass2 كتب:موضوع حلو اوى يا امير بس خلاص البنات خدت على كدة بس دة ميمنعش ان فى اسر كويسة

وفى اسر بتدفع بناتها للغلط وفى بنات بتحب الغلط بس لو كل واحد عمل اللى عليه وخد بالة من

تصرفاتة مش هيكون فى عقاب وكمان لو مفيش تفرقة بين الاولاد هتكون الحياة بمبى

ميررسى يا امير على كل حالربنا يخليك يا نصفنا

والله مش لوحده انا كمان من انصار الفتيات

لكن مواضيعى فى الوقت ده قليله جدا لكن

قريب جدا ان شاء الله هتعرفوا كيم الحقيقى لكن الفتره دى الشغل

شاغلنى جدا وغصب عنى والله فمعلش

تسلم ايدك يا حبيبى يا ميدو الموضوع زى

العسل تسلملى عيونك يا رب بس دايما بنشوف منك مواضيع جامد

خد بالك قريب هيظهرلك منافس ههههههههههههه

سلاممممممممممممممممممممممممممممممممممممممم

الإثنين 14 يوليو 2008, 4:17 pm

لما نشوف يا كيم المواضيع سعتها هقولك ينصفنا هههههههههههههههه

الإثنين 14 يوليو 2008, 10:35 pm

ماشى

يا حبيبى

يا حماده

انا

وانت

اصحاب

من زمان

وعادى

بس انا امير الحب

يا مان صح ولا ايه رايك

الثلاثاء 22 يوليو 2008, 3:59 am

موضووووووووع جاااااااااااااااااامد جداااااااااااااااااا

بس على فكره بقى انا لو ماما عملت كده اكيد مش هيبقى معايا علشان انا اكيد مش هتنزلنى من الاول ههههه
مع اخواتى يعنى
اكيد ماما هتكون عارفه انها نزله رايحه فين والكلام ده مش هيحصل اساسا
ماما أنا خارجة اتمشى مع صاحبتى نفسى أفك عن نفسى شوية

لا مفيش خروج
نسيتى لما ظبطتك مع الواد على الكورنيش
تسد نفس البنت يا عينى
يا ماما دى غلطه وكلنا بنغلط ولازم ننسى
لا يا روح ماما مش حنسى

شكرا يا جميل على المضوع
...نادو...

الأربعاء 23 يوليو 2008, 3:44 am

اكيد

يا

نادو

ويارب

يكون

الموضوع
كويس

الأربعاء 23 يوليو 2008, 2:39 pm

امير تسلم ايدك ممكن تكون الفتيات مظلومه فعلا لكن

فى نفس الوقت هناك بعض الشباب مظلزمين ايضا سلمت يداك يا جميل

بالتوفيق يا رب

ودى منى ليكم ايها الفتيات

انا متعاطف جدا مع الفتيات ولكن احيانا ارى ان بعضهم

لا يستحق هذا التعاضف

ولكن انتم اخوانى جميعا بالتوفيق يا رب

السبت 02 أغسطس 2008, 3:08 pm

امير كلامك دا جميل جدا وبجد تعاطفكم مع البنات دا شي حلو كتييييييييييييييييييير وانا مموافقه راي مو لاني بنت بس لانو كلام صحيح ولو انا شب برضو كنت موافقه بالراي

سلمت اناملك
تحياتي
roni