رفعت الجلسة محكمة

الأربعاء 13 أكتوبر 2010, 7:18 am

طبعا عنوان غريب لتوبيك

بس هتعرفوا ليه لاني الموضوع علي هيئة سوال لمتهم عليك تجاوب بجد
من القلب والا فلا تجاوب افضل

يلا نجرب صرحتك

ونقول محكمة

اكثر موقف اثر فيك ؟

اكثر حاجه بتحبها في بلدك ؟

تفضل العمل في بلدك او السفر لبلد اخرى ؟

لو تفضل السفر هل ممكن تستقر في بلد غير مصر ؟

رأيك ايه في تفكير الشباب العربي للسفر للخارج للعمل سواء في مجال تخصصه او في مجال اخر غير دراسته لمجرد الحصول على المال ؟

بتساعد بقي في اعمال المنزل ؟
- ما هو أسعد يوم فى حياتك؟ وما هو أسوء يوم؟
- ماهى أكتر أكلة بتحب تاكلها من ايد أحلى كلمة؟
أيهما أفضل ولماذا الزواج عن حب أم الزواج التقليدى؟
ايه الحاجات اللى عملتها و لو رجع بيك الزمان تانى مش هتعملها ؟
]إذا كانت لديك الفرصة للقيام برحلة اسبوع إلى إحدى دول العالم فأيها تختار ولماذا ؟
2- ماذا يمثل لك المنتدى ؟
3- ماهى السلبيات التى تراها ولا تحب أن يكون لها تواجد بين الشباب ؟
]مين من الاعضاء تنسب ليهم الصفات ديه
طيب :
مخلص :
شقي :
ذكي :
رومانسي :
اجتماعي :
صارم :
دماغه ناشفه:
محبوب :
مواضيعه تحفه :
- تقدر توصفلنا شخصيتك وتقولي ايه هي مميزاتك وعيوبك وراي احلى كلمة فيها كمان ههههههه سؤال غلس ؟
وايه السلوكيات والاخلاقيات الي بتعجبك والي مش بتعجبك في المجمتع حاليا والي مش بيعجبك تفتكر الحل لاصلاحه هيكون ايه ؟
من هو شاعر الرومانسية؟

مهنه كنت تتمنى انك تشتغلها ؟

وتحية لك من القلب

رفعت الجلسة
والحكم بعد المدوالة

السبت 16 أكتوبر 2010, 3:48 am

هههههههههههههههههه
فكره حلوه بس صعبه
ماااااااااااااااااااشى بدات بنفس عميق

اكثر موقف اثر فيك ؟
ماشى
انى عرفت موضوع المفروض انى اسمعه اول واحده وسمعته اخر واحده
وعرفته وكمان مش من الشخص نفسه!

اكثر حاجه بتحبها في بلدك ؟
الروح
بحس انى روحنا واحده
والاثار بتعتنا صحيح مصر معملتلناش حاجه بس الواحد لما بيقول انا من مصر بيحس بختلاف

تفضل العمل في بلدك او السفر لبلد اخرى ؟
لا فى بلدى

لو تفضل السفر هل ممكن تستقر في بلد غير مصر ؟
اه ممكن بس لو ليك اهل
لو مش ليك هتبقى صعبه اووووووى حتى لو رايح على شغل

رأيك ايه في تفكير الشباب العربي للسفر للخارج للعمل سواء في مجال تخصصه او في مجال اخر غير دراسته لمجرد الحصول على المال ؟
ماهو اكيد يانور الى عايز يسافر تفكيره بيبقى كده ودا مش عيب
عشان يحسن من اسرته لو الشخص كمان يقدر يجبهم عنده افضل عشان الغربه وحشه
ولو يكتفى بالى عمله ويرجع ويستقر فى بلده افضل

بتساعد بقي في اعمال المنزل ؟
رفعت الجلسة محكمة 858638

اكيد وطبعا انت اكتر عايز تعرف الاجابه من الشباب انا عارفه

- ما هو أسعد يوم فى حياتك؟ وما هو أسوء يوم؟
مش عارفه!!!!واسوء يوم لما الاشخاص العزيزه على قليى راحت منى

- ماهى أكتر أكلة بتحب تاكلها من ايد أحلى كلمة؟
مكرونه بشمل واى.........بالهنا والشفا

أيهما أفضل ولماذا الزواج عن حب أم الزواج التقليدى؟
الزواج عن حب بيكون قصه جميله رومانسيه بدوووووم هذه القصه مع الاطفال
وبرده الزواج التقليدى تلاقى الشخص بيحبك وانت مش عارف ولما تلاقى الحب ده وتفتحله قلبك فتحبه
دا رائى الشخصى ولكل قعده شولذ

ايه الحاجات اللى عملتها و لو رجع بيك الزمان تانى مش هتعملها ؟
قرار اختيار............................................................

ذا كانت لديك الفرصة للقيام برحلة اسبوع إلى إحدى دول العالم فأيها تختار ولماذا ؟
الامرات والعين بالذات عشان اعيش فيها الذكريات الجميله....................

- ماذا يمثل لك المنتدى ؟
اسره تانيه خاااااااااااااااااااااالص ممكن تقول فيه الى مش قادر تقوله
وبقضى فيه وقت جمييييييل

- ماهى السلبيات التى تراها ولا تحب أن يكون لها تواجد بين الشباب ؟
السكوت والسلبيه
والشجاعه بس بتبان فى وقت المشاكل والخنقات بس اكتر من كده لا
والحق بنخاف نتكلم فيه ولو انى فى حريه صحافه
ويقوله ياعم نفض وكبر يعنى احنا هنقدر نغير حاجه

]مين من الاعضاء تنسب ليهم الصفات ديه
بالنسبه للصفات دى صعبه اوى اوى
طيب : احمد
مخلص : ميزو
شقي : نونا
ذكي : نسر النار
رومانسي : نور
اجتماعي : سيمبا
صارم : شيتوس
دماغه ناشفه: ....................
محبوب : يويو
مواضيعه تحفه : ............

تقدر توصفلنا شخصيتك وتقولي ايه هي مميزاتك وعيوبك وراي احلى كلمة فيها كمان ههههههه سؤال غلس ؟
محبش ازعل حد منى ومعرفش ازعل من حد
بس بيصعب عليه نفسى اوى ومجرد انى اوجه خلاص
عيبه انى عصبيه وممكن اعمل حجات اندم عليه اوووووووى
وراي احلى كلمة فيها كمان مش فاهمه انا

وايه السلوكيات والاخلاقيات الي بتعجبك والي مش بتعجبك في المجمتع حاليا والي مش بيعجبك تفتكر الحل لاصلاحه هيكون ايه ؟
الجهل! مش هيتحل
لانى مافيش امكانيات

من هو شاعر الرومانسية؟
مش عندى شخص محدد بس الى بقرا شعره ويعجبنى الشعر ده بس الى بيعجبنى

مهنه كنت تتمنى انك تشتغلها ؟
كان نفسى اوى ابقى مهندسه ديكور

الأحد 17 أكتوبر 2010, 2:19 am

حكمت المحكمة ببراءة المتهمة الاولي والي المتهم الثاااااني

بجد اجوبتك كلها جميلة وحاسسس انها صادقة من قلبك

بس يا ريت قبل ماتاخدي قرار تحاولي تفكري فيه مرة واتنين

ولما يجيلك فرصة تسافري اوعي تسافري بلد تعيشي فيها ذكريات لا سافري بلد تعيش فيها اللي ينسيكي اللي فات مش اللي يفكرك ويقلب عليكي الجرح وده بردة راي

والحب بعد الزوج اسمه عشرة وتعود مش حب بجد لانك كان ممكن يكون اي شخص تاني يقضي برده الغرض
لكن الحب بجد اعتقد انه اكبر من كده بكتير وده يتض اكتر عند لا قدر الله الطلاق او الانفصال

حيث يظهر الحب هنا في محاولة ارضاء كلا الطرفين لبعدها علي عكس الزواج التقليدي لانها تضقي غرض وخلاص
واي انسانه غيرها هتقضي غرضه لكن ممكن يزعل شوية علي العشرة وانه اتعود عليها

زي ما بيجي ليكي موبايل هدية مش عاجبك تتعودي عليه وتحبيه ولو ضاع تزعلي شوية ولكنك تواسي نفسك سريعا لانه ليس الموبيل الذي كنته تحبيه وتريده

وشكرا سيبما علي الكلام االجميل ده

ومستني الباااااااقي

المتهم الثااااااني

نور

الأحد 17 أكتوبر 2010, 3:38 pm

على فكرة يانور موضوع جاااااااااااااااااااااااااامد جداااااااااااااااااااا

بس ياريت قبل ماأبدأ فى الاجابة الفت نظرك لحاجة
بص يانور
ممكن الجواز التقليدى يكون افضل بكتييييييييييييير من الجواز عن الحب
وساعات كتير الجواز عن حب بيفشل لسبب تافه اوى
وفى بيكتمل
اما الجواز التقليدى فسدقنى اللى يعيش بالطريقة اللى انت بتقول عليها
مش يبقا انسان اصلا

والله انا اعرف ناس كتير كانو بيعشقو بعض وبعد الجواز على اتفه الاسباب بينفصلو
وبردو ناس كتير بعد الجواز وبيكون تقليدى بيستمرو وبيحبو بعض اووووووووووى

وبردو لكل قاعدة شواذ

وياريت مش تكون اتضايقت من ردى ليك

ابدأ الاجابة
بسم الله الرحمن الرحيم
(والله العظيم هقول الحق)
ههههههههههههههه

اكثر موقف اثر فيك ؟
لما اكتشفت ان اعز صاحبة عندى بتبيعنى عشان خاطر اى حاجة فى سبيل مصلحتها.

اكثر حاجه بتحبها في بلدك ؟
بيقفو دايما جمب بعض.

تفضل العمل في بلدك او السفر لبلد اخرى ؟
اكيد افضل العمل فى بلدى.

لو تفضل السفر هل ممكن تستقر في بلد غير مصر ؟
اكيد لا.

رأيك ايه في تفكير الشباب العربي للسفر للخارج للعمل سواء في مجال تخصصه او في مجال اخر غير دراسته لمجرد الحصول على المال ؟
انا من راي بلده افضل, لكن للاسف البلد هى اللى مش عايزة شبابها.

بتساعد بقي في اعمال المنزل ؟
انت المفروض تقولى فى حد بيساعدك.
هههههههههههههه

- ما هو أسعد يوم فى حياتك؟ وما هو أسوء يوم؟
اسعد يوم لما ببقى دايما ناجحة واشوف اهلى كلهم سعداء,
واسوء يوم لما فارقت ناس كتير بحبهم.

- ماهى أكتر أكلة بتحب تاكلها من ايد أحلى كلمة؟
سمك طبعا,بالهنا والشفا.

أيهما أفضل ولماذا الزواج عن حب أم الزواج التقليدى؟
كل واحد لي مميزات وعيوب كتير وانا طبعا فهمتك وجهة نظرى,
بس اكيد افضل الزواج عن حب.

ايه الحاجات اللى عملتها و لو رجع بيك الزمان تانى مش هتعملها ؟
انى عرفت ناس مش يستهلونى ابدا.

]إذا كانت لديك الفرصة للقيام برحلة اسبوع إلى إحدى دول العالم فأيها تختار ولماذا
السعودية,عشان ازور بيت النبى.

- ماذا يمثل لك المنتدى ؟
بيتى التانى.

- ماهى السلبيات التى تراها ولا تحب أن يكون لها تواجد بين الشباب ؟
اللى بيعملوه الشباب مع بنات بلدهم,
والساكت عن الحق,
وحاجات تانى كتير بس تقدر تقول ان دول اهم حاجة.

]مين من الاعضاء تنسب ليهم الصفات ديه
طيب :احمد
مخلص :سيمبا
شقي :نونا وميزو
ذكي :نور
رومانسي :نسر ونور
اجتماعي :[b]نونا(نهى)
صارم :لا أحد
دماغه ناشفه:لا أحد
محبوب :نور
مواضيعه تحفه : [/b]كل الاعضاء

[b]- تقدر توصفلنا شخصيتك وتقولي ايه هي مميزاتك وعيوبك وراي احلى كلمة فيها كمان ههههههه سؤال غلس ؟
انا شخصيتى عادية جدا,
بحب الضحك وطيبة وبحب كل الناس ومش بحب ازعل حد منى ولما بزعل حد بيكون غصب عنى لانى تلقائية وصريحة جدااااااا
والمشكلة انى لما بزعل اوى واللى قدامى ينرفزنى حتى لو هو مش السبب بزعق فيه جامد
لكن لما بهدى بروح على طول اتأسفله, ويمكن اللى بعمل فيها كدا سيمبا حبيبتى هى وانتيمتى
وانى لما بزعل من حد مش بعرف اشيل منه واروح اقوله وزى ماتيجى تيجى
بس كفاية.

وايه السلوكيات والاخلاقيات الي بتعجبك والي مش بتعجبك في المجمتع حاليا والي مش بيعجبك تفتكر الحل لاصلاحه هيكون ايه ؟
اللى بتعجبنى ان لسا فى روح التعاون مع بعض
وان لسا فى ناس بخير بس للاسف قليلين اوووووووى,
واللى مش بتعجبنى واكيد مش بتعجب اى حد سلوكيات الشباب مع البنات باقيت حاجة زفت خالص
مبقاش فى نخوة
ونفسى بجد الشباب تتقرب من ربنا اكتر عشان يعرفو ايه الغلط اللى بيعملو دا.

من هو شاعر الرومانسية؟
نزار قبانى

مهنه كنت تتمنى انك تشتغلها ؟
زى سيمبا مهندسة ديكور
ولاد خالة بقا
هههههههههههههههههههه

ميرسى اوووووووووى يانور
بجد انا استمتعت بالاسئلة وبجد جميييييييييييييييييييييييلة اوووووووووووووووووووى
واسفة للاطالة
رفعت الجلسة محكمة 989315

الأحد 17 أكتوبر 2010, 10:58 pm

[quote="YoOoYoOo"]على فكرة يانور موضوع جاااااااااااااااااااااااااامد جداااااااااااااااااااا

بس ياريت قبل ماأبدأ فى الاجابة الفت نظرك لحاجة
بص يانور
ممكن الجواز التقليدى يكون افضل بكتييييييييييييير من الجواز عن الحب
وساعات كتير الجواز عن حب بيفشل لسبب تافه اوى
وفى بيكتمل
اما الجواز التقليدى فسدقنى اللى يعيش بالطريقة اللى انت بتقول عليها
مش يبقا انسان اصلا

والله انا اعرف ناس كتير كانو بيعشقو بعض وبعد الجواز على اتفه الاسباب بينفصلو
وبردو ناس كتير بعد الجواز وبيكون تقليدى بيستمرو وبيحبو بعض اووووووووووى

وبردو لكل قاعدة شواذ

وياريت مش تكون اتضايقت من ردى ليك

اولا انا مش بضايق ابدا من المناقشة
ثانيا من حقك ابراز وجه نظرك ومحاولة جعلها قاعدة ومن حقي الدفاع عن وجه نظري انا ايضا
لذا اسمحلي ان ادخلك عالم المتزوجون
اولا الزاوج التقليدي
انه صالون الزواج
حيث ينظر العريس الي عروسه ويحاول ان يقيس كل ابعادها
فهي شريكة العمر ولكنه يعاينها كما يعاين قطعة اثاث
يختار ما بين هذا وذالك
ولكن الزاوج عن الحب
حيث لا اختيار
حيث الاشتياق
حيث السعادة
حيث التفاهم
حيث حرب دائرة لكسب قلب احدهما الاخر
حيث لا وجود لمعني الانانية
حيث وحيث ...الخ
اظنني وضحت

ولنرجع الي مرجوعنا

انتي انسانه حساسة تشعر بالثقة وبشدة جمالها

ولكن عليك توخ الحذر فالجميع لا يراك هكذا

ولا يعرف الناس دائما ما تحبينه لكي في نيتك ولو عرفوا لاحبوك

ولكن جهلهم بشخصيتك الغريبة وعدم علمهم بطريقة التعامل معك

يجعلهم يفهمونك خطا

واحذري ان تجعلي عدوك قريب منك واجعلي صديقك اقرب

حيث لا تعطي ثقة لاحد

الا اذا كان اهل ثقة

فحاولي ظبط نفسك والاسترخاء قبل اخذ القرارات

وتوزيع مراسم شرف الدخول الي حياتك

فحياتك ملكك ولا يتاح لاحد دخولها الا اذا كان اهل ثقة

وشكرا

حكمت المحكمة ببراء المتهمة من التهم المنسوبة اليها

واحاله اوراقها الي فضيلة مفتي ديار الحب
لاعطائها

جرعة حذر دائما من الاخرين

نور

الإثنين 18 أكتوبر 2010, 12:15 am

يالهووووووووووووووى
المفتى
هههههههههههههه

ميرسى اوى يانور
بجد مناقشة جميلة اوووووووووووى
وميرسى للنصائح دى
وان شاء الله هحاول اتوخى الحذر مع اى حد

وعايزة بقا ارد عليك بخصوص موضوع الجواز التقليدى
يعنى ايه بقا هتبقا قطعة اثاث دى دا على اساس ان هو كرسى
مع احترامى لوجهة نظرك وبتأسف بجد لوكلامى دا هيضايقك
اللى يفكر كدا
اكيد انسان مش عاقل
ولا عنده اى احساس بمشاعر الناس اللى حواليه
ومش بيفكر غير فى نفسه وبس
يعنى باختصار انانى
لما يكون هيتجوز واحدة عشان ينسى بيها الحب القديم
دا هيبقى ظالم وانانى ولا لأ؟
مش من حق الانسانة اللى هيتجوزها دى تحس انه جيه يتقدم لها عشان بيحبها او حتى معجب بيها
ولا هو عريس كدا وخلاص
يبقا جاى عشانها هى مش عشان خاطر ينسى بيها حد
وبمجرد ان يحصل اى سوء تفاهم مابينهم بعد الجواز
يطلقها ومش تسوى عنده اى حاجة
دا يبقا انانى وظالم

وسدقنى يانور والله فى اسر كتيرة اوى بتبقا ناجحة اوى فى المجتمع وبتبقا مبنية على الجواز التقليدى
وبعدين ايام الرسول(عليه الصلاة والسلام)
كانو بيتجوزو من غير مايشوفو بعض غير فى اليوم نفسه
ومع ذلك بيحبو بعض
وافضل من الحب اللى بيعيشو حاليا فى الجواز عن حب
وكمان موجود فترة الخطوبة اللى يقدرو فيها انهم يتعرفو على بعض اكتر
وكل واحد يعرف اسلوب التانى

وعلى فكرة بقا
انا فى اداب اجتماع يعنى بدرس احوال المجتمع
والسنة اللى فاتت
كانت عندى ملحوظة بتقول انه اثبت دكتور المانى مش فاكرة اسمه كويس
ان معظم مشاكل الطلاق اللى موجودة فى العالم
بتكون مبنية على الجواز عن حب
ولو تحب تعرف اسمه انا ممكن اسال الدكتور عشان تقدر تتأكد

ارجو أنك تكون فهمتنى بجد
ميرسى يانور للمناقشة الجميلة دى

واسفة للاطالة

الإثنين 18 أكتوبر 2010, 1:44 am

انتي مقتنعة تماما برايك يا صديقتي
لذا اسمحلي ان اطرق ابواب الشك في قلبك وازرع بعض المباديء التي اومن بها في عقلك

اسمحلي بالتدخل في حياتك والمرور من بوابة زمانك

سوف اغوص الي ابعد ما يكون لفض المناقشة لصالحك او لصالحي ولكن هناك ان نبقي نحن علي الحياد

فنترك ما لقيصر لقيصر وما لفرعون لفرعون

أن جواز الصالونات يصلح لمن يؤمنون بمقولة أن الحب يأتى بعد الزواج ، لكن من يرغب الحب ويحلم بالرومانسية لا يصلح معه هذا النوع من الزواج أبداً ، ولا تجد فيه أي إيجابية سوي أنه يناسب الأسر التي تشجع عدم الاختلاط بشكل كبير حيث تتم اللقاءات والتعارف لأول مرة تحت عيون الأسرة ، أما ابرز سلبية له هو عدم التوافق الذي قد يلاحق الطرفين إذا لم يستطيعوا التأقلم مع بعضهم البعض.

انا ارفض
هذا الزواج بشدة مؤكدا أني ضده و لا اقبله على الإطلاق ، واشبه الزواج بهذه الطريقة بأنه مجرد صفقة مثلها مثل شراء ثلاجة أو بوتجاز إذا حظيت بالإعجاب يشتريها وإن لم يجدها مناسبة يتركها ويبحث عن غيرها وبدون أسباب مقنعة ، إذا تعتمد المقابلة على الشكل المقابلة تعتمد على الشكل ، مهما كان كله محضر كلام ، كيف يعرف شخصيتي الحقيقية ، وإذا كان الجمال هو االمعيار ، فالجمال لا يدوم.
أعرف أن نسبة نجاح زواج الصالونات أكبر من زواج الحب ولكن لا أشجع هذه الطريقة ولا أري به أي ميزة ، معرفتي بالشخص السابقة أفضل سواء كان زميل أو أخو صديقة ، فى هذه الحالة يكون الأمر مختلف ويكون هناك قبول متبادل بين الطرفين بحكم المعرفة السابقة .
ودائما تذكري

لا وقت للحب في زواج الصالونات

نور

الإثنين 18 أكتوبر 2010, 2:23 am

السلاك عليكم ورحمته الله وبركاته
احب انى ادخل المناقشه
اولا شكرا على النصائح يانور
وبعدين يانور انت ليه مكبره كده ومسميها زواج الصالونات
"هو الاب فيها بيجوز بنته وهى بتشوف جوزها فى الفرح وخلاص"
مافى فترة خطوبه انى اتعرف عليه واشوفه واتكلم معاه وبعدين لو محستش بحاجه اتجاهه وانى مش متقبلها هرفضه طبعا
وهو كذالك
"ما انت لو اتعرفت على البت قبل ما تخطوبها وسعتها تقرر لا دى وحشه وسم ودمها تقيل
ايييييييه الى خلانى افكر فيها من اصلوه"
ماهى هى فكر فيها كويس لو عجبتك بت وعايزه تقعد وتتكلم معاهاويكون اهلها عارفين
وتتكلم معاها وبعدين ما اعجبتش بيها
ماهى هي هى
اييييييييييه الى زودته انى اهلها بس عارفين وانى بعدها فى ارتباط رسمى
مش اما تتعرف عليها وتاخد عليها اوووووووووى ولو عملت حاجه ممكن تسبها
يانورالصالونات دى كلمه اخدنا عليها عشان نصعب الامر علينا ونسهله فى حجات تانه
فكر يانور والله كتير عن حب والجوازه مابتكملش لانى كل واحد بقدر الامكان بيورى للتانى مميزاته بس
والجواز التقليدى نجح"لانى فيه فتره خطوبه وانت بتشوفها جوه البيت عمله ازاى"
مافى كتيييييييييير خطبه وسابوا بعض وخطب تانى واتجوز التانيه
وفى كتييييييييييييييييييييييير ارتبطوا ونهوا الارتباط وارتبطوا تاتى
والله هى هى
بس الاولنه ربنا بيبارك فيها عشان صح والتانيه لا عشان غلط
والحكم لله وحده

الإثنين 18 أكتوبر 2010, 5:25 am

في مجتمعنا الشرقي ينظر الشاب الي الفتاة المخطوبة

مرة سابقة علي انها سوابق وغالبا ما تفشل العلاقة بسبب الغيرة الشديدة

حاولي ان تحسبي عدد مرات حبك وتعطينها علي انها خطبة فالنسبة لي

ساجد اني خطبت اربعين مرة علي الاقل

وهذا ما لا يسمح بيه في مجتمعنا

فاالزوج الصالوني

يذهب يعاين عروسة ويخطبها وكان ما كان

وذهب الحب

فلا وقت للحب في زوج الصالونات
ولي عودة بعد سماع مناقشة يويو
ايضا
فمنها حقها الرد
نور

الإثنين 18 أكتوبر 2010, 11:04 pm

بص يانور
انا هتوقف عن المناقشة
لانك مقتنع اوى برأيك
وانا مقتنعة برأيى

وميرسى للمناقشة

الإثنين 18 أكتوبر 2010, 11:34 pm

هسمي ده انسحاب من ارض المعركة

اووووووك

نور

رفعت الجلسة محكمة

رفعت الجلسة محكمة

رد: رفعت الجلسة محكمة

رد: رفعت الجلسة محكمة

رد: رفعت الجلسة محكمة

رد: رفعت الجلسة محكمة

رد: رفعت الجلسة محكمة

رد: رفعت الجلسة محكمة

رد: رفعت الجلسة محكمة

رد: رفعت الجلسة محكمة

رد: رفعت الجلسة محكمة

رد: رفعت الجلسة محكمة