كيف تصطادين عريسا

الأربعاء 20 أكتوبر 2010, 7:53 pm

وقعت عيني في احدي المجلات المشهورة
تلك المحادثة
والنقاش واحببت ان انقلها لكم كاملة
دون حذف او قطع

دون مقدمات ندخل مرة واحدة الي هذا الموضوع العجيب
فكنت قديما اتذكر اننا نحن الشباب من نعاكس الفتيات واتذكر طرق ايضا لهذا وقانون
اما وقد انقلت الايه فهم الان من يصطادون عريسا

نور

[b]صدق أو لا تصدق كتاب "كيف تصطادين عريسا" الذي لم يزد عن مجرد دعابة في إحدى حلقات المسلسل الرمضاني الشهير "عاوزة أتجوز" تحول إلى حقيقة تجسدت فعلا في كتاب بعنوان " عشان الصنارة تغمز" .. والكتاب لنفس الغرض وهو يحتوي على قوانين لابد أن تعرفها كل بنت وتعمل بها للحصول على عريس مناسب كما يحتوى ارشادات للزوجات عن كيفية الحفاظ على حرارة حب أزواجهن والعيش حياة سعيدة، حسبما قالت مؤلفته الكاتبة أمل محمود، التي تأمل من خلال كتابها المساهمة في حل مشكلة العنوسة في مصر.[/b]

[b]وأوضحت أمل فى برنامج صباح الخير يا مصر بالتليفزيون المصرى الاثنين أنها تسعى لتطبيق سياسة "يا بخت من وفق راسين في الحلال "ولكن علي طريقتها مشيرة الى أن الدافع وراء اصدار الكتاب هو زيادة نسبة العنوسة في مصر، وجلوس البنات علي الرصيف في انتظار العريس وذلك بعد مشاهدتها لمسلسل "عاوزة أتجوز" بطولة هند صبرى.[/b]

[b]وأشارت الى أن الكتاب يحتوى على 186 نصيحة مباشرة للبنات توضح للفتيات كيفية اصطياد عريس مناسب تتعلق بالإهتمام بالشكل والمداومة على التغيير لان الإنسان يشعر بالملل بسرعة لذا لابد من تشويقه وجذبه بإستمرار.[/b]
[b][/b]

[b]واختارت الكاتبة أن يكون الكتاب من القطع الصغيرة لكي تستطيع الفتاة أن تقرؤه في أي مكان بالإضافة إلى أنها فضلت صياغة الكتاب على هيئة نصائح كل منها في صفحة بأسلوب ساخر وإبراز الأمثلة الشعبية وأحاديث الستات والبنات المتعارف عليها في أماكن تجمعهن، أي أن الكتاب يتحدث بلغة جمهوره، وهو ما يجعله شيقاً وممتعاً.[/b]
[b][/b]

[b]وأضافت أمل أن الكتاب لاقى إقبالاً كبير من القراء، حتى أن طبعته الأولى نفذت، وجاري توزيع الطبعة الثانية، ويمكنك أن تجده في العديد من مكتبات وسط البلد ومصر الجديدة والمهندسين والزمالك والمعادى ومدينة نصر.[/b]
[b][/b]

[b]وأضافت انه إذا استعرضنا فصول الكتاب، سنجد قواعد وأصول الصيد "عشان سنارتك تغمز"، ومن أصول الصيد أن تتعلمي لغة العيون ولغة الجسد وأصول الاتيكيت فهي وسيلة جيدة للتعبير عن الذات في صمت بالإضافة إلى معرفة بسيطة للأبراج ستجعلك تعرفين بعض صفاته دون أن ينطق بها واحتفظي بطبيعتك وصراحتك.[/b]

[b]وتنصح الكاتبة الفتيات بقولها: "لو جه كلام عن الارتباط قولي له أنا ما بفكرش في الموضوع ده خالص حتى لو كنتى هتفطسى.. بلاش نظام أصلى جايلى عريس.. السكة دي قديمة أوي والرجالة عرفتها.. ولما تختاري سمكة، اختاري اللي بينك وبينه اهتمامات مشتركة".[/b]
[b][/b]

[b]ودعت الكاتبة المتزوجات على صفحات الكتاب للإحتفاظ بأزواجهن العمر كله الى الاحترام الذى هو سر الحياة الزوجية الناجحة والتخلى عن بعض صفات المرأة كالزن والرغى والنكد وتجديد الشكل والمضمون فالتغيير يعطي روحاً للحياة والإعتماد على الذات وعدم القاء كل شيء على عاتق الزوج مشيرة الى أن الصداقة والتفاهم بين الزوجين أهم من الحب، ولابد للزوجة أن تقدر إنجازات الزوج مهما كانت بسيطة[/b]

الأربعاء 20 أكتوبر 2010, 8:14 pm

ازيك يا نور عامل ايه
انت كويس
طيب
ههههههههههههههه
المهم
انا احب اقول رأئى بكل صراحه سواء فى المسلسل اللى عرض فى رمضان بعنوان عاوزة أتجوز او اى كتاب بيناقش زى بيقولوا عليها مشكلة العنوسة
وبجد احب ان الرساله ده توصل لكل بنت وكمان لكل ولد
اولا
معتقدش ان فيه حاجه اسمها عنوسة يعنى هل البنت دوقتى بتدور على مجرد الزوج ابن الحلال مش اكتر
مش فاهمه يا جماعه انا شايفة انى كبنت ليا كيان ببنيه حياتى مش هتقف على انى اخلص تعليمى او ما اخلصوش فى كلتا الحالتين وبعدين ادور على عريس بالعكس انا شايفة ان لو البنت او الولد مش اتجوزوا عن حب او على الاقل انا شخصيا يبقى اعيش مع اسرتى فى بيتنا معززة مكرمة وعايشه حياتى طبيعى جدا لان الزواج مش هو اللى هيخلى حياتى تمشى ومنغيرة حياتى هتقف ممكن يكون فيه بنات ليهم راى تانى وانا مش ضدهم لكن ده مجرد رأى شخصى والاختلاف فى الرأى لا يفسد للود قضيه وبالتالى فاللى بيحصل فى المسلسلات والمجلات اللى زى كده بحس انه مهزله واستهانه بالبنت
ويا ريت مش اكون ضايقت حد برأيى ولكن زى ما قلت ده مجرد رأى شخصى
والاختلاف فى الرأى لا يفسد للود قضية

الأربعاء 20 أكتوبر 2010, 9:52 pm

ههههههههههههههههههه
والله يانونا انتى عندك حق فى كل كلمة
يعنى ايه (كيف تصطادين عريسا)
ياسلام
بعنى خلاص البنات مش لاقية
وبعدين (علمت ان رزقه لن يأخذه غيرى فأطمن قلبى)
يعنى اللى ربنا عايزه هو اللى هيحصل
وميرسى يانور للموضوع
بس بجد هما كدا بيجرحو فى مشاعر البنات اللى سنهم كبر شوية
فالمفروض يراعو حاجة زى دى
وانا مش شايفة فيها اى حاجة
لان فى بنات هما اللى بيبقو عايزين يأجلو الموضوع دا
وللاسف فى مجتمعنا الحالى ينظرو للبنات اللى بيتاخر زواجهم
على انهم معنسين
ودى حاجة تأثر فى نفسيتهم اوى
دا غير انها ممكن تخلى اى بنت تفقد الثقة فى نفسها
وفى انها ممكن تشوف نفسها متزوجة
بجد انا نفسى مجتمعنا يتغير فى حاجات كتيييييييييييير اوى
بحس انه مجتمع متأخر

ميرسى اوووووووى يانور للمناقشة الجميلة دى

الأربعاء 20 أكتوبر 2010, 10:56 pm

للاسف كلكم خدوا اني ديه وجهة نظري

انا حاطط الموضوع للنقاش

وده ذكرته في الاول

ده شيء من الجهل

وشيء من الدخل

وشيء من الخوف

مش الفلم طبعا وجواز عتريس من فواده عرفي غرفي عرفي

ولاحاجات دهي لا لا لا

انا اقصد ان المجتمع الشرقي عموما ديه نظرته للجواز

فاذا كان هذه نظرتك ايها المجتمع فساعديني كي اتجوز كسر لي الحواجز التي وضعتها بنفسك لاعاقتي

وثم ترمي كل هذا علي انا البادي في حياتي الداخل في مطحنة المجتمع ومحاولة ارضائك

اذا كنت تنتظر مني هذا فانا ايضا اننتظر تساهيل منك كي اتجوز سريعا

وكي افرحك سريعا

وكي اكون نفسي سريعا

ووالا فانت تطلب ما فوق المستحيل

لاني حياتي فيك اساسا هي المستحيل

فحاول ان تتغير قبل ان اتغير انا

حاول ان تسابقني كي تلاحقني وتقول ليه انك للمرة الاولي تثق في شبابك

وتثق في ارئهم وتثق في كلماتهم

نور

الخميس 18 نوفمبر 2010, 8:54 pm

هههههههههههههههههههه
بجد الموضوع جميل اوي والمناقشه فيه كمان حلوه
بس كلامي مش هيزيد كتير عن كلام نونا
يعني لو الواحده ماحبتش واتجوزت اللي بتحبه يبقى مالهاش لزمه فكرة الجواز اصلا
وتقعد في بيت اهلها معززه مكرمه احسن والجواز يجي وقت مايجي النصيب بقى
لاكن ماتعدش تعمل زي هند صبري مثلا وتجرح في كرامتها وهيا بتدور على عريس عشان ماتعنسش
المسلسل ده اصلا برغم انه حلوه وكومدي بس شوه صورة البنات كتير
بتهيئلي عمرها ماهتوصل لكده انهم يدورو على عريس

وشكرا يانور على طرح المناقشه
موضوع جميل

السبت 04 ديسمبر 2010, 9:10 pm

ميرسي طبعا للمناقشة البنونتي
ديه
شكرا يا همس علي مناقشتك

والله كلكم اراء جميلة اووووي

بس فين الراي المعارض
بقاااا

هو فين الرجالة محدش هيقف معايا هتسبوني اضرب لوحدي ولا ااايه

نور

السبت 04 ديسمبر 2010, 9:36 pm

ههههههههههههههههههههههههههههههههههههههه
انا جيييييييييييييييييييت

الاول تسلم يا باشا علي الموضوع الجامد دة
طبعا انت دايما متألق في اختيارك لمواضيعك

ثانيا رأي الشباب او الوجه الاخر للمجتمع
اللي هما احنا
هيا مشكلة العنوسة فعلا دلوقتي بقت جامدة قوي قوي
والبنات اكتر من الهم علي القلب
بس مشكلتهم مش هتتحل في يوم وليله
بس هتتحل لو الاهل عارفين يختاروا صح ويحددوا طلبتهم صح
يعني الاهل بيطلبوا شقة وجهاز وشبكة بكذا الف جنية
والشقة تكون ملك
والجهاز من افخر الانواع
والدهب بملبغ محترم
طب لية دة كله ؟
دة سبب لزيادة سعر الذهب في العالم كلة وفي الوطن العربي
ولما مطلوبمن الشاب اللي متخرج من كذا سنة انه يجهز الحاجات دية في اسرع وقت وفي ظل المرتبات الواقعة قوي قوي
يعمل اية ؟
هيسيبة من الجواز خالص بلا نيلة وحرقة دم
خليه يجهز نفسة كويس خالص
وبعدين يبقي يفكر يتجوز
ودة هيكون علي الاقل في غضون 10 سنين ودة المتوسط
في ناس بتزيد عن كدة بكتير
وفي ناس اقل
دة بيخلي البنات تكتر وترطرط في السوق زي اللب
ويرجعوا يقولوا احنا كبرنا
طيب ما كل جيل من الشباب هياخد من الجيل الاصغر منه بكتير بناته
والشريحة اللي في النص دية ضايعة
ودة رأيي وطبعا مفتوح باب المناقشة فيه
لعل وعسي اكون غلطان

الأحد 05 ديسمبر 2010, 7:51 pm

بس هتتحل لو الاهل عارفين يختاروا صح ويحددوا طلبتهم صح
يعني الاهل بيطلبوا شقة وجهاز وشبكة بكذا الف جنية
والشقة تكون ملك
والجهاز من افخر الانواع
والدهب بملبغ محترم
طب لية دة كله ؟

دة سبب لزيادة سعر الذهب في العالم كلة وفي الوطن العربي
ولما مطلوبمن الشاب اللي متخرج من كذا سنة انه يجهز الحاجات دية في اسرع وقت وفي ظل المرتبات الواقعة قوي قوي
يعمل اية ؟

رجاء الملاحظة ان كلماتي كتبت باللون الازرق والباقي بعض من كومنت كاسبر

اولا كلامك كله منطقي

وفعلا انت حطيت ايدك علي مربط الفرس

ولكن يا تري ممكن الاهل يرضي بده

اعتقد انك محتاج الف سنة عشان تغير العادات والتقاليد المنيلة ديه

وفعلا الحمل كله واقع علي الشباب

ومستني رد البااااااقي

بس يا تري هو ده الحل

نور

الخميس 16 ديسمبر 2010, 11:21 pm

بص يانور هقولك على حاجة
انت فعلا عندك حق انت واسلام
كتير اوى من الابهات مش بيراعو ان الشاب مش بمقدرتو ان يجيب كل حاجة هما عايزينها
وبتبقا طلباتهم فعلا كتيرة اوووووووووووى
ودا فعلا اللى بيأثر على نسبة الزواج
لان كل شاب هيقول لما ابقا اجهز نفسى بقا
وياعالم هيقدر يجيب كل اللى اتطلب منه ولا لا فى الزمن دا
بس بردو عايزة اقولك على حاجة
ان فى اهالى بيعملو كدا بيكونو خايفين على بناتهم
فاكرين ان بالطريقة دى هيقدرو يأمنو مستقبلهم
وفى بيكونو طمعانين
وفى كلتا الحالتين دا غلط طبعا
لانهم بالطريقة دى بيوقفو حال بناتهم مش بيامنو خالص
وربنا يهديهم ويرجع لهم عقولهم
بس على فكرة فى ناس اتغيرت كتير لما شافو حال المجتمع
وفى لسا على رأيه
يارب يتغيرو
وميرسى اوى للمناقشة الجميلة دى يانور
وسورى للاطالة

الجمعة 17 ديسمبر 2010, 1:53 am

يا رب يا ست يويو يتغيروا

بس بجد ده مستحيل

تغير مجري النيل

اسهل بيكتيرررر

انك تهدي الهرم الاكبر

صعب ولكنه ممكن

لكن تهدي عادات وي ديه

متسحيللللللللل

ابوسيبول

نو وااااااي

اجيفااار

اكونال

وبكل اللغات مش ممكن

من الاخر بالمصري وش

لما توشوفوا حلمة ودنكم
هههههههههههههههههههههه

نور

الجمعة 17 ديسمبر 2010, 2:02 am

ههههههههههههههههههههههههههههههههههههههه
ربنا يهديهم كلهم ان شاء الله
ومفيش حاجة بعيدة على ربنا يانور

الجمعة 17 ديسمبر 2010, 10:14 am

كما قال اسماعيل يس
في فيلم الحربية

ياااااااا رب
يااااااااااااااااااا رب
يااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

رب

الخلقة ديه انا شفتها قبل كده

مخاللي شل يا عسكرررررررررررررررررري

يا جماعة اللي اسمه مخالي يرد حاكم الرجل ده شراني وانا عارفه
ههههههههههههههههههههههههههههههههههههههههههههههههههههههههههههه
نور

كيف تصطادين عريسا

كيف تصطادين عريسا

رد: كيف تصطادين عريسا

رد: كيف تصطادين عريسا

رد: كيف تصطادين عريسا

رد: كيف تصطادين عريسا

رد: كيف تصطادين عريسا

رد: كيف تصطادين عريسا

رد: كيف تصطادين عريسا

رد: كيف تصطادين عريسا

رد: كيف تصطادين عريسا

رد: كيف تصطادين عريسا

رد: كيف تصطادين عريسا